तोयानाथ उपेक्षित, कुवेतमा यहाँको संसदिय समितीले डेमोग्राफी ईम्ब्यालेन्स मिलाउन विदेशीहरुको जनसंख्या घटाउने नयाँ प्रस्ताव गरेको छ उक्त प्रस्तावमा कुनै पनि आप्रवासीले भिषा नविकरण गरेर बढीमा १५ बर्ष भन्दा धेरै बस्न पाउने छैनन यसरी नै उमेर ६० पुगे पछि पनि अनिवार्य रुपमा कुवेत छाड्न पर्ने छ ।
यसरी नै प्रस्तावित मास्टर प्लानमा भनिएको छ आवासिय कानूनमा कुनै परिवर्तन गर्न पाईने छैन । विदेशीहरुलाई कति संख्यामा आउन दिने भनेर कोटा प्रणाली लागु गरिने छ । भिजिट भिषा वा फेमेली तथा घरेलु लगायतका कुनै पनि भिषा वर्क परमिट भिषामा रुपमान्तरण गर्न पाईने छैन । यहाँ सम्म की सरकारी क्षेत्रमा काम गर्नेहरुले समेत निजी क्षेत्रमा जान पाउने छैनन । यसरी नै विभिन्न सरकारी शुल्कमा पनि बृद्धि गर्ने प्रस्तावमा उल्लेख गरिएको छ । समग्र जीसीसीमा हाल विदेशीहरुको जनसंख्या ६३ प्रतिशत रहेको छ ।
कुवेतमा १ दशमलब ४ मिलियन कुवेतीको जनसंख्या छ भने ३ दशमलब २ मिलियन विदेशी रहेका छन ।
श्रोत अलराई
