तोयानाथ उपेक्षित, कुवेतमा कोभिड १९ को तिब्र संक्रमणका कारण पछिल्ला २० दिनमा ९८ जनाले ज्यान गुमाएका छन भने १३,५४४ जनामा संक्रमण भएको छ ।
गत फेब्रवरी २४ मा तीन जनामा कोभिड १९ देखिए पछि यसलाई रोक्न कुवेतले चालेका अनेकौ उपायहरुका बाबजुद संक्रमण रोकिएको छैन । बरु कुवेतभर २४ घण्टे लकडाउनका वितेका १० दिनमा संक्रमण हुने र मृत्यु हुनेको संख्या विगतका सवै दिनको भन्दा धेरै देखिएको छ । कुवेतले मई महिनाको १० तारिकबाट ३० तारिकसम्म २१ दिनका लागि पूर्णकालिन कफर्युको घोषणा गरेको आज १० दिन पुरा भएको छ । बाकी १० दिनमा यसलाई नियन्त्रणमा लिएर जुनबाट सामान्य अवस्थामा कुवेतलाई फर्काउने लक्ष्य पछिल्ला दिनको संक्रमणको तिब्रताले पुरा हुन दिन्छ भन्ने देखिंदैन ।
पूर्णकालिन लकडाउनका १० दिनलाई हेर्दा कुवेतमा संक्रमित हुनेको संख्या ९,९४५ छ यो भनेको दैनिक जसो सरदर १००० का दरले संक्रमित हुने गरेका छन । यीनै दश दिनमा ७५ जनाले ज्यान गुमाएका छन ।
फ्रेब्रवरी २४ मा कुवेत प्रवेश गरेको कोभिड १९ बाट मार्चको १४ सम्म आई पुग्दा मात्र १०४ जना संक्रमित भएको देखिन्छ मार्चका बाँकी १५ दिनमा थप १८५ जनामा फैलियो अर्थात फेब्रवरीका ४ दिन र मार्च महिना पुरै अवधीमा कुवेतमा २८९ जनामा सिमित थियो । अप्रिल महिनामा ३७३५ मा संक्रमित भयो । अप्रिलको ४ तारिकका दिन कोरोनाबाट एक जनाको मृत्यु भएको थियो । उनी पहिला मृतक हुन । त्यसपछि अप्रिलको पुरा अवधीमा मृत्यु हुनेको संख्या २६ पुग्यो ।
मई महिनामा कोभिड १९ को तिब्र संक्रमण र मृत्यु हुनेको संख्या थपिन थाल्यो र यो क्रम जारी छ । आज मई २० तारिक सम्म आईपुग्दा कुवेतमा संक्रमितको संख्या १७,५६८ छ भने १२४ जनाको ज्यान गईसकेको छ । कुवेतले हाल सम्म २ लाख ५६ हजार ३१४ जनाको टेस्ट गरिसकेको छ । यहाँको कुल जनसंख्या ४२ लाख ६३ हजार २० हो ।
कुवेतमा सबै भन्दा धेरै संक्रमित हुने भारतीय नागरिकको संख्या छ । त्यसपछि क्रमस कुवेती, ईजिप्सियन र बंगलादेशी रहेका छन । नेपालीहरु कति संक्रमित छन भन्ने सार्वजनिक गरिएको छैन । केही साता अगाडीको एक तथ्यांकमा ८४ जना नेपाली भएको देखाईएको थियो त्यसयता मुख्य ४ देश बाहेकको संख्यालाई अन्यमा राखेर कोभिडको अपडेट दिने गरेको छ ।
