Monday 16th November 2026

इटाली जान लागेका ५ नेपाली युवा लिबियामा १ महिनादेखि बन्धक


तितोपाटी – मानव तस्करको सञ्जालमार्फत दुबइ–लिबिया हुँदै इटली जान हिँडेका ५ नेपाली लिबियाको उत्तरपश्चिमी सिमाना मिस्रातामा एक महिनायता ‘बन्धक’ बनेका छन् । लिबियाको सदरमुकाम त्रिपोलीबाट १८७ किलोमिटर दुरीमा रहेको मिस्रातामा रहेको एउटा भित्री वस्तीको घरमा आफूलाई राखिएको भन्दै पोखराका रन्जित केसीले उनका बाबुलाई खबर पठाएका छन्।

‘आँखामा पट्टी बाँधिएको अवस्थामा केटाहरुलाई समातिएको रहेछ,’रन्जितका बाबु गणेशबहादुर केसीले कान्तिपुरसाग भने। पर्वत घर भएका रन्जितसँगै दिरास थापा(म्याग्दी), अमन लोजा(म्याग्दी), ओम गुरुङ र सुरेश केसी ‘बन्धक’ बनेका छन्।

दिरासकी आफन्त सुनिता पुनका अनुसार ४ महिनाअघि काठमाडौंबाट दुबइ हुँदै विदेश हिँड्नेहरु दुबइबाट लिबिया पुग्नासाथै अलपत्र परेका थिए। पीडितका आफन्तका अनुसार, पोखराका जितकाजी गुरुङले जनही झण्डै १५ लाख रुपैयाँका दरमा पैसा अशुलेर विदेश उडाएका थिए। पीडितका परिवारले परराष्ट्रको कन्सुलर महाशाखामा ५ नेपालीको अलपत्र अवस्था र उद्धारका निम्ति गत साता निवेदन दिइसकेका छन्।

लिबियामा अरु नेपाली पनि बिचल्ली अवस्थामा रहेको जानकारी दिँदै पीडितले पठाएको भिडियोमा जीवनरक्षाको अपिल गरिएको छ।

लिबिया मामला हेर्ने इजिप्टको कायरोस्थित नेपाली दुतावासले बन्धक रहेका नेपालीको उद्धारमा चासो नदेखाएको पीडित परिवारले बताएका छन्। पीडितका आफन्तले लिबियाबाट आएको फोनको धम्कीका भरमा थप पैसा पठाएर आफन्तको उद्धार गर्न सकिन्छ कि भनेर पहल थालेका छन्।


सम्बन्धित शीर्षकहरु

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

१० दिने चीन भ्रमणमा निस्कियो सांसदहरूको जम्बो टोली राष्ट्रिय स्वतन्त्र पार्टी (रास्वपा) का सांसद रमा विश्वकर्माले चिनियाँ कम्युनिस्ट पार्टी (सीपीसी)…

तेलअभिभ | १५ नोभेम्बर २०२६/ इजरायलका अर्थमन्त्री तथा धार्मिक जियोनिज्म पार्टीका नेता बेजालेल स्मोट्रिचले विपक्षी नेता गादी आइजेनकोटलाई प्रधानमन्त्री बेन्जामिन…

प्रतिकृयाहरू
...