कुवेतमा कार्यरत नेपाली श्रमिकको हृदयघातको कारण मृत्यु भएको छ । नेपालको सिन्धुली जिल्ला सुनकोशी गाउँपालिका – ५ घर भइ करिब ८-९ महिना अगाडि डेलिभरी ड्राइभरको रूपमा कुवेतमा श्रम गर्न आएका सुबास भ्लोनको हिजो १६ मार्च २०२५ का दिन ३० वर्षको कलिलो उमेरमै मृत्यु भएको हो ।
राहदानी नं. PA2172787 भएका उनी दैनिक डेलिभरीको काम सकेर कोठामा आइ खाना खाएर सुतेकोमा बिस्तारामा सुतेकै अबस्थामा मृत्यु भएका हो भने उनको मृत्यु बारे नेपाली दूतावासलाइ जानकारी गराइसकिएको र कानुनी प्रकृया पुरा गरि छिट्टै नै पार्थिव शरीर नेपाल पठाउने व्यवस्था गर्ने दूतवास श्रोतले जनाएको छ ।
पारीवारको उज्वल भविष्यको सपना बोकेर वैदेशिक रोजगारीमा होमिएका मृतकका घरमा श्रीमती, एक छोरी र एक छोरा रहेका छन् भने उनका बाबु वैदेशिक रोजगारीको शिलशिलामा ओमानमा र बहिनी कुवेतमै कार्यरत रहेकी छन् ।
