Saturday 11th October 2025

किरात याक्थुङ द्वारा : कुवेतमा खेलियो देउसी भैलो


कुवेतमा किरात याक्थुङ चुम्लुङद्वारा आयोजित बलिहाङ तङनाम ५०८४ देउसी भैलो २०८१ कार्यक्रम, अध्यक्ष लिला चेम्जोङको सभापतित्वमा गोरखा किचन, सालमिया सभाहलमा सम्पन्न भएको छ। यस विशेष सांस्कृतिक कार्यक्रममा प्रमुख अतिथिका रूपमा गैरआवासीय नेपाली संघ, राष्ट्रिय समन्वय परिषद, कुवेतका अध्यक्ष रण ध्वज लामा, साथै विशिष्ट अतिथिहरू आदिवासी जनजाति महासंघका अध्यक्ष अमृत तामाङ, पत्रकार महासंघका अध्यक्ष राज मल्ल र विभिन्न संघ-संस्थाका प्रतिनिधिहरूले उपस्थिति जनाएका थिए।

कार्यक्रम दीप प्रज्वलनसँगै सुरु गरिएको थियो। उपस्थित अतिथिहरूले आफ्नो मन्तव्य राख्दै लिम्बु र नेपाली मौलिक संस्कृतिको संरक्षण र प्रवर्धनमा किरात याक्थुङ चुम्लुङ, कुवेतको प्रयासको प्रशंसा गरे। प्रमुख अतिथि रण ध्वज लामाले यस्ता कार्यक्रमहरूले प्रवासमा नेपाली संस्कृतिलाई जगेर्ना गर्दै नेपाली समुदायलाई एकतामा बाँध्ने काम गरेको बताए।

कार्यक्रमको प्रमुख आकर्षणका रूपमा देउसी-भैलोको परम्परागत लारिङ्गेक नाम्लिङ्गेक प्रस्तुत गरियो। सहभागीहरू उत्साहित भएर रमाइरहेका थिए र यसले नेपाली संस्कृतिको सुन्दर झलक पनि प्रस्तुत गरेको थियो। साथै, विभिन्न कलाकारहरूले मनोरञ्जनात्मक नृत्य, गायन, र पालाम लगायतका सांस्कृतिक प्रस्तुति दिएर दर्शकहरूलाई रमाइलो अनुभव प्रदान गरे।

सांस्कृतिक कार्यक्रमले नेपाली समुदायमा एकता, मित्रता, र आपसी सहयोगको भावना बढाएको छ। किरात याक्थुङ चुम्लुङ, कुवेतले आगामी दिनहरूमा पनि यस्ता कार्यक्रमहरू आयोजना गरी आफ्नो परम्परा र संस्कृतिलाई जगेर्ना गर्दै जाने प्रतिबद्धता जनाएको छ।


सम्बन्धित शीर्षकहरु

तितोपाटी - जेन-जी सहिद परिवारले सरकारसमक्ष तीनवटा मन्त्रालयको माग गरेका छन् । बिहीबार राजधानीको संवाद डबलीमा सहिद परिवार संघर्ष समितिले…

अख्तियार दुरुपयोग अनुसन्धान आयोगले पोखराको बाटुलेचौरस्थित लिची बगानको १३४ रोपनी जग्गा हडप्ने प्रकरणमा दुई पूर्वमन्त्री राजकुमार गुप्ता र रञ्जिता श्रेष्ठसहित…

इजरायल र हमासबिच पहिलो चरणको वार्तामा युद्धविराम गर्ने सहमति भएको छ । गत सोमबारदेखि अमेरिका, इजिप्ट र कतारको मध्यस्थतामा इजिप्टको…

प्रतिकृयाहरू
...