कुवेतले निकालेको भरखरैको एक प्रतिवेदन अनुसार यहाँ २५ हजार भन्दा धेरै नेपाली महिलाले घरेलु कामदारको रुपमा काम गर्दछन । उक्त तथ्यांक सन २०२३ को मध्य सम्मको मात्र हो । त्यसयता के कति थपिएका छन त्यसको हिसाव यो संख्यामा समावेश छैन । यसरी नै ईलिगल रुपमा घरमा काम गर्ने कामदारहरुको संख्या पनि निक्कै ठुलो रहेको बताईन्छ । दलाल मार्फत घरेलु कामदारका लागि ल्याएका तर खटन नसके पछि भागेर घर बाहिर लुकीछिपी गैर कानूनी रुपमा रहेका महिलाहरु को संख्या पनि यसमा पर्दैन ।
स्थानिय नागरिकहरुले घरेलु महिला कामदारहरु यहाँ खोलिएका एजेन्सी मार्फत लिने गर्दछन । उनीहरुले त्यसरी कामदार लिदा एजेन्सीलाई के कति रकम बुझाउन पर्दछ भन्ने कुरा कुवेतको सरकारी निकायले टुंगो लगाएको छ । फरक फरक एजेन्सीले स्थानिय नागरिकलाई कामदार उपलब्ध गराए बापत जथाभावी रकम लिएको गुनासो लामो समय देखि रहदै आएकोमा अब त्यसको निराकरण हुने देखिन्छ । जसनुसार एसियाली देशहरूबाट घरेलु कामदारहरूलाई KD750 (टिकट सहित), अफ्रिकी देशहरूका घरेलु कामदारहरूका लागि KD575, र प्रायोजकद्वारा प्रदान गरिएको विशेष राहदानी भएका व्यक्तिहरूको लागि KD350 मा अधिकतम शुल्क निर्धारण गरेको छ । अरब टाईम्सको समाचार अनुसार उल्लेखित रकम यात्रा टिकट सहित घरेलु कामदारहरू भर्ती गर्ने अधिकतम लागत मन्त्री स्तरिय निर्णयबाट निर्दिष्ट गरिएको हो ।
यसैबीच, नागरिक सूचनाका लागि सार्वजनिक प्राधिकरण (PACI) को आधिकारिक तथ्याङ्कले 2023 को मध्यमा दर्ता घरेलु कामदारहरूको कुल संख्या 811,307 पुगेको खुलासा गरेको छ। जसमा सवै भन्दा धेरै भारतिय नागरिक छन । भारतका ३,६१,२२२ (कुलको ४४.५ प्रतिशत); त्यसपछि दोस्रो स्थानमा फिलिपिन्स 201,110 (24.8 प्रतिशत); श्रीलंका 102,685 (12.6 प्रतिशत) संग तेस्रो छ; चौथो स्थानमा बंगलादेश ८५,९८९ (१०.६ प्रतिशत); नेपाल २५,५५४ (३.१ प्रतिशत) सहित पाँचौं; इथियोपिया 11,684 (1.4 प्रतिशत) संग छैटौं छ; बेनिन 5,105 (0.6 प्रतिशत) संग सातौं; 2,103 (0.3 प्रतिशत) संग इन्डोनेसिया आठौं; माली 1,901 (0.2 प्रतिशत) संग नवौं र माडागास्कर 1,838 (0.2 प्रतिशत) संग 10 औं स्थानमा छ। यो थपिएको छ कि अन्य राष्ट्रियताका 11,616 व्यक्ति कुल घरेलु कामदार जनसंख्याको 1.4 प्रतिशत छन्।
नेपाल ले कुवेतका लागि घरेलु महिला कामदार पठाउन प्रतिबन्ध लगाएको १४ बर्ष भएको छ तथापी कुवेतमा महिला घरेलु कामदार को संख्या पाँचौ स्थानमा छ । २५ औ हजार महिला घरेलु कामदार यीनै प्रतिबन्धका विच कुवेतमा यति ठुलो संख्यामा कसरी आए भनेर कसैले खोजी नगरेको विषय हो । उनीहरु सेटिंगमा नेपाल बाट आउने गरेका छन भने कतिपय भारतियबाटो हुदै दलाल मार्फत यहाँ आईपुग्दछन । नेपाली दुतावासले यसरी आउने कामदारहरुलाई रोक्ने कुनै प्रयत्न र पहल गरेको पाईन्दैन । बरु उनीहरुलाई यहाँ ल्याउने सँग दुतावासको पनि सेटिंग रहेको आरोप बेलाबेला लाग्ने गरेको छ ।
