ईजरायल कति बलियो छ भन्ने कुरा उसको प्रतिरक्षा प्रणालीले देखाउछ । हालैका दिनमा उसले आफ्नो क्षमताको प्रर्दशन र परिक्षण लडाईकै क्रममा गरेको छ । दुई हजार किलोमिटर टाढा रहेको यमन बाट आएको हुथी मिसाइलको प्रहारका विरुद्ध उसले अत्याधुनिक एरो ३ प्रतिरक्षा प्रणालीको पहिलो प्रयोग गरेको हो । यसै साता यसअघि उसले हुतीहरुको मिसायल रोक्न एरो २ को प्रयोग गरेको थियो ।
एरो ३ प्रतिरक्षा प्रणालीले कुनै पनि विस्फोटक पदार्थ प्रयोग गर्दैन, विशुद्ध रूपमा मिसायललाई बाटैमा अवरोध गर्दछ र उसको लक्ष्य लाई विफल पारिदिन्छ । तर एरो दुई ले यसको ठिक विपरित एक वारहेड बोक्छ जसले विस्फोटक चार्ज को प्रयोग गरेर मिसाइललाई नष्ट गर्दछ।
इजरायलको वायुसेनाले आज यमनको हुथीद्वारा इलातमा प्रहार गरेको मिसाइललाई रोक्नको लागि एरो ३ वायु रक्षा प्रणाली प्रयोग गरेको हो। यो प्रणालीको पहिलो प्रयोग जुन सफल देखिएको छ र गत हप्ता उही उद्देश्यका लागि प्रयोग गरेको एरो २ प्रणालीको पहिलो सफल प्रयोग पनि लडाईकै क्रममा भएको हो । जसले पृथ्वीको वायुमण्डल बाहिर युद्धको पहिलो घटना भएको देखाउछ । एक प्रकारले स्पेस युद्धका लागि ईजरायल सक्षम भएको देखिन्छ ।
इजरायल एयरोस्पेस इंडस्ट्रीज, एक अग्रणी रक्षा फर्म द्वारा विकसित एरो ३ प्रणाली, अन्तरिक्षमा ब्यालिस्टिक मिसाइलहरू रोक्नको लागि एक उन्नत वायु रक्षा प्रणाली हो। अगस्टमा, इजरायलले यो प्रणाली जर्मनीलाई ल्क्ष्क् ज्ञद्ध बिलियनमा बेच्ने घोषणा गगरेको छ । जुन इजरायलको इतिहासको सबैभन्दा ठूलो रक्षा सम्झौता हो। युक्रेनमा रुसको आक्रमणपछि जर्मनीले आफ्नो प्रतिरक्षा सुधार गर्ने निर्णयको बीचमा यो प्रतिरक्षा प्रणाली खरिद गरेको हो ।
