कुवेतमा भगौडा कामदारहरुलाई कुवेत पुलिसले खोजी खोजी पक्राउ गर्ने क्रम जारी राखेको छ । हिजै मात्र यस्ता १६ जना भगौडा कामदारलाई समातेको हो । त्यसमा पनि भिषा नम्बर २० माथि प्रहरीको खोजी तिब्र छ । उनीहरु घरबाट भागे वा भगाईए पछि व्युटि पार्लर, घुम्ती बेश्यालय, रेष्टुरेन्ट र अन्य स्पोन्सरको घरमा काम गरेको पाईने गरेको बताईन्छ ।
त्यसरी एउटा स्पोन्सर बाट अर्को स्पोन्सरको मा काम गरेको पाईएमा काम दिने ले समेत दण्ड जरिमाना र आवश्यक कारबाही भोग्न पर्ने चेतावनी दिईएको छ । यसैगरी हिजै मात्र विभिन्न देशका १६ जना प्रवासीहरुलाई मदिरा, ड्रक्स र अन्य लागु औषध कारोबारमा पक्राउ गरेको छ । त्यसरी पक्राउ पर्नेहरुबाट दुई थान हतियार र गोला बारुद समेत बरामद भएको छ । उनीहरुलाई आवश्यक कानूनी कारबाहीका लागि चलान गरेको समाचारमा उल्लेख छ । मदिरा बेच्ने गु्रपहरु मा थप २३ जना समेत महावुल्ला, साल्मिया, जीलिप, फाहाहील र खैतान क्षेत्रबाट पक्राउ परेका छन । उनीहरु सवैलाई कानूनी कारबाही अघि बढाउने प्रहरी ले जनाएको छ ।
