गैह् कानूनी कार्य गर्ने, गराउने र अबैध लागुओषधको सेवन, ओसारपसार, बेचिखन गर्नेहरु माथि प्रहरीको कारबाही कयौ महिनायता झनै आक्रमक रुपमा भईरहेको छ । बेश्याबृती तथा मदिरा उत्पादन र विक्री गर्नेहरु दैनिक पक्राउ पर्ने गरेका छन । कुवेत प्रहरी ले त्यसरी शंकास्पद घर वा व्याक्तिमाथि कठोर कारबाही नगरेको दिन नै छैन ।
अपराधमा संलघ्न मानिसहरुको बढदो धरपकड सँगै प्रहरी हिरासत पर्याप्त नभए पछि बन्द रहेका विद्यालयका भवनलाई समेत प्रहरीले प्रयोग गर्न थालेको छ । अपराधको जरो उलेखेल्ने अभियान मा कुवेत सरकार कठोर भएर लागेको छ । मल तथा सुपरमार्केट का बाथरुमहरुको डस्टविनमा समेत प्रसस्तै ड्रग्स का खाली सिरिन्जहरु मिल्ने गरेकाले भित्र भित्र यहाँ का युवा युवतीहरु कुलतको डरलाग्दो शिकार हुदै गएको देखिन्छ । यस कुरालाई बुझेको सरकारले समाज ध्वस्त हुन बाट बचाउन ड्रग्स र अनैतिक क्रियाकलापहरुका विरुद्ध शसक्त ढंगले कारबाहिमा उत्रेको देखिन्छ । समाजमा विकृती फैलाउन गैर कानूनी रुपमा रहेका आप्रवासी कामदारको समेत हात हुने भन्दै उनीहरुको खोजी र धरपकड पनि घनिभूत रुपमा भएको देखिन्छ ।
पछिल्लो अप्रेसन सालमियामा भएको र त्यहाँ सञ्चालित मसाज पार्लरमा अवैध गतिविधिमा संलग्न भएको आरोपमा नौ जना विदेशीलाई पक्राउ गरिएको छ। पक्राउ परेका सबैलाई आवश्यक कानुनी कारबाहीका लागि सम्बन्धित निकायमा बुझाइएको छ । यसरी अबैध रुपमा सञ्चालनमा आएका मसाजकेन्द्रहरुमा अनैतिक काम हुने गरेको प्रहरी को ठम्याई छ । त्यसरी नै अनलाईन मार्फत ग्राहकहरुको खोजी गर्ने लोकेशन दिने, र देह व्यपार गर्ने गिरोहहरु पनि पक्राउ पर्ने गरेका छन ।
खैतान, फरवानिया, जलेब अल(शुयुख, बनीद अल(कार, र साल्मियालाई समावेश गरी हालैको निरीक्षण अपरेसनमा विभिन्न राष्ट्रियताका कुल १०४ विदेशीहरूलाई विभिन्न कानूनको उल्लङ्घन गरेको आरोप मा हिजै मात्र पकाउ गरेको छ ।
यहाँ सम्म की कुवेतमा तम्बाखु समेत प्रतिबन्धित छ । यसको व्यपार गैह कानूनी मानिन्छ र प्रहरीको नजर छलेर मात्र विक्री हुने गरेको छ । गत महिना कपडाको कन्टेनर भित्र लुकाएर ल्याएको तम्बाखु प्रहरी ले सिज गरेको थियो । त्यसपछि यहाँ तम्बाखु पाउन मुश्किल हुदै गएको छ । ५० ग्राम तम्बाखु नेपाली दुई हजार मा व्लाक मार्केटमा विक्रि हुन थालेको छ । दुई महिना पहिले सम्म त्यसैलाई चार पाच सय रुपैयामा पाउथ्यो भने कोभिड अगाडी नेपाली रुपैया ३ सयको हाराहारीमा किन्न पाईन्थ्यो । गुड्का पनि त्यतिकै महंगो छ यो पनि किनबेच गर्न प्रतिबन्ध छ ।
खैनी, विदेशमा होस वा स्वदेशमा नेपाली युवा युवतीहरु ले अधिक प्रयोगगर्दछन । चुरोट भन्दा तम्बाखुको लत नेपालीहरुमा धेरै पाईन्छ । यसरी नै ईन्डिया, त्यसपछि बंगलादेश र श्रींलंकन ले प्रयोग गर्दछन । पाकिस्तानीहरु ले खैनी को सेवन खासै गर्दैनन । उनीहरु ले प्राय चुरोट पिउने गर्दछ ।
