Sunday 16th March 2025

कल्याणकारीले शान्ति श्री, उर्गेन र आश्माकाे साथमा दशैं विशेष सांगीतिक धमाका ६ अक्टोबरमा आयोजना गर्ने


कुवेत – कल्याणकारी नेपाली युवा समाज कुवेतले नेपालीहरूकाे महान चाड बडा दशैंकाे अवसर पारेर नेपालबाट अतिथि कलाकारहरू शान्ति श्री परियार , उर्गेन दोङ तथा आश्मा बिश्वकर्मालाइ कुवेत ल्याइ सांगीतिक कन्सर्ट गर्ने भएको छ । समाजले आफ्नाे दाेश्रो सांगीतिक प्रस्तुतिकाे रूपमा आगामी ६ अक्टोबर २०२३ शुक्रबारका दिन कल्याणकारी सांगीतिक धमाका गर्न लागेको समाजका महासचिव आङ नोर्बु शेर्पाले मिडियासँग कुरा गर्दै  जानकारी दिएका हुन् । शेर्पाका अनुसार माहबुल्ला ब्लक १ स्ट्रिट १३४ स्थित अलिया इन्टरनेशनल हस्पिटलको नजिकै रहेको तथा नेपालीहरूकाे खुला फुटबल मैदानसँग}को इन्नोभा इन्टरनेशनल स्कुलको अत्याधुनिक सुविधा सम्पन्न हलमा सो कार्यक्रम गर्न लागिएको हो ।

यस अघि चर्चित कलाकार दुर्गेश थापालाइ कुवेत ल्याएर कुवेतवासी नेपाली दाजुभाइ तथा दिदीबहिनीहरूलाइ सांगीतिक मनोरन्जन प्रदान गरेको कल्याणकारीले यस पटक पनि नेपालकी चर्चित लोक तथा दोहोरी गायिका शान्ति श्री परियार,  त्यसै गरि गायक, कम्पोजनर तथा गीतकार  उर्गेन दोङ र चर्चित डान्सर आश्मा बिश्वकर्मालाइ कुवेत ल्याइ सांगीतिक धमाका गर्न लागेको हो ।

अतिथि कलाकारहरूलाइ अनुबन्ध गरिसकेको कल्याणकारीले कार्यक्रम हलको पनि तय गरि सकेको छ भने कार्यक्रमलाइ भव्य र सभ्य रूपमा सफल बनाउन सम्पुर्ण कुवेतवासीलाइ कार्यक्रममा उपस्थितिको लागि हार्दिक निमन्त्रणा गर्दै उक्त दिन कुवेतमा रहेका कुनै पनि संघ संस्थाले कार्यक्रम नजुधाइदिनु हुन पनि आग्रह गरेको छ ।

स्मरण रहोस, स्थापनाकालदेखि नै सामाजिक र मानविय सेवाका कार्यहरू गर्दै आएको कल्याणकारी नेपाली युवा समाज कुवेतले समय समयमा विभिन्न खेलकुद प्रतियोगिताहरू गराउँदै आएको छ भने कुवेतमा रहेका हरेक संघ संस्थासँग हातेमालो र सहकार्य गर्दै आएको छ ।

कार्यक्रमको विवरणः

कार्यक्रमः कल्याणकारी दशैं विशेष सांगीतिक धमाका २०२३ ।
स्थानः इन्नोभा इन्टरनेशनल स्कुल, माहबुल्ला, ब्लक १ स्ट्रिट १३४, अलिया इन्टरनेशनल हस्पिटल नजिक, नेपाली फुटबल खेल मैदान सँगै ।
मितिः सन २०२३ अक्टोबर ६ तारिक शुक्रबार ।
समयः दिनको ११ बजे ।


सम्बन्धित शीर्षकहरु

वासिङ्टन: ट्रम्प प्रशासनले नयाँ प्रतिबन्धको भागको रूपमा दर्जनौं देशका नागरिकहरूका लागि व्यापक यात्रा प्रतिबन्धहरू जारी गर्ने विचार गरिरहेको छ, ज्ञापनपत्रमा…

मस्को: राष्ट्रपति भ्लादिमिर पुटिनले युक्रेनी सेनाले यस क्षेत्रको केही क्षेत्र कब्जा गरेपछि पहिलो पटक पश्चिमी रूसी क्षेत्र कुर्स्कको भ्रमण गर्नुभएको…

इस्लामिक न्यायशास्त्र र आधारभूत सिद्धान्तहरूको अध्ययन गर्दै तीन दशकभन्दा बढी समय निर्वासनमा बिताएका सिरियाली धार्मिक विद्वान र शान्ति कार्यकर्ता प्रोफेसर…

प्रतिकृयाहरू
...