लागूऔषध नियन्त्रण महाशाखाले आपराधिक सुरक्षा निकायको रेखदेखमा गरेको महत्वपूर्ण कारवाहीमा करिब १३ हजार ५ सय किलोग्राम विभिन्न लागुऔषधसहित सात जना अभियुक्तलाई पक्राउ गरेको हो । साथै, उनीहरुले साइकोट्रोपिक पदार्थका २ हजार ५ सय ट्याब्लेट र दुई थान बन्दुक बरामद गरेका छन् ।
सोधपुछका क्रममा अभियुक्तहरूले बरामद सामान बेचबिखन तथा दुरुपयोग गर्ने उद्देश्यले राखेको स्वीकार गरेका छन् । तसर्थ, दुबै व्यक्ति र बरामद सामानहरू आवश्यक कानुनी कारबाहीका लागि सम्बन्धित निकायमा बुझाइएको छ।
मन्त्रालयले सबैलाई सुरक्षा निकायसँग सहकार्य गर्न र कुनै पनि शंकास्पद गतिविधि वा नकारात्मक घटना देखिएमा ११२ आपत्कालीन हटलाइन वा १८८४१४१ मा लागुऔषध नियन्त्रण सामान्य प्रशासनमा सम्पर्क गरी जानकारी दिन आग्रह गरेको छ ।
यसरी नै हिजोको खोजतलासमा कुवेत शहर, आपराधिक सुरक्षा क्षेत्रको सार्वजनिक नैतिकता संरक्षण विभागको लगनशील निगरानी र निरन्तर प्रयास स्वरूप, सार्वजनिक नैतिकता विपरित गतिविधिहरू प्रवर्द्धन गर्ने अभियोगमा विभिन्न राष्ट्रियताका कुल १० जना विदेशी नागरिकलाई पक्राउ गरिएको छ। यी गिरफ्तारहरू महबुला, हवाल्ली र अबु हलिफाका क्षेत्रहरूमा भएका थिए ।
यसरी नै एक अर्को घटनामा आवासिय कानूनको उलंघन गरेको आरोपमा २२ जना पक्राउ परेका छन । गृह मन्त्रालयले सफल कारवाही गर्दै आवास तथा श्रम कानून उल्लङ्घन गर्ने २२ जना लाई फरवानिया क्षेत्रबाट पक्राउ गरेको हो ।
