कुवेत शहर, सुरक्षा उपायलाई तिव्रता दिने र लागुऔषध सम्बन्धी अपराध नियन्त्रण गर्ने प्रतिबद्धता अनुसार लागुऔषध विरोधी टोलीको प्रयासले उल्लेख्य प्रगति हासिल गरेको छ । चार जना सम्मिलित गिरोहलाई पक्राउ गरी उनीहरुको साथबाट करिब ६ किलोग्राम मेथ र हेरोइन अवैध लागूऔषध बरामद गरेको छ ।
महामहिम प्रथम उपप्रधानमन्त्री, आन्तरिक मन्त्री र कार्यवाहक रक्षा मन्त्री शेख तलाल खालिद अल अहमद अल(सबाहको निर्देशन र पर्यवेक्षणमा, कानून र विधीको उलंघन गर्ने अपराधीहरूलाई छिटो पक्राउ गर्न सुरक्षा उपस्थितिलाई बलियो बनाउन निर्देशन अनुसार प्रगति भएको देखिन्छ । लागूऔषधको वितरण र बिक्रीका लागि जिम्मेवार व्यक्तिहरूलाई पक्राउ गरेर समाजलाई हानि हुनबाट बचाउने प्रयास स्वरुप बर्तमान मन्त्रिहरु निक्कै आक्रमक रुपमा प्रस्तुत भईरहेको बताईन्छ ।
आपराधिक सुरक्षा क्षेत्र, विशेष गरी लागूऔषध नियन्त्रण महाशाखाले चार संदिग्धहरूको गिरोहलाई सफलतापूर्वक पक्राउ गरेको छ र उनीहरु विरुद्ध कारबाहीका तिनका साथबाट लागुऔषध, साबु, हेरोइन र नगद रकम समेत बरामद भएको समाचारमा जनाईएको छ ।
सोधपुछमा, प्रतिवादीहरूले बरामद सामानहरू बेचबिखन र व्यक्तिगत प्रयोगको उद्देश्यले ल्याएको स्वीकार गरेका छन । बरामद लागुऔषध सहित अभियुक्तहरुलाई आवश्यक कारवाहीको लागि सम्बन्धित निकायमा बुझाईएको छ ।
कुवेतमा लागुऔषधको विक्रिवितरण र अत्याधिक सेवनका कारण सडक दुर्घटना तथा अपराधिक क्रियाकलाप बढेको भन्ने गुनासो आईरहेका बेला सरकार त्यसका विरुद्ध शसक्त रुपमा प्रस्तुत भएको पाईन्छ ।
यसै बिच कुवेत सरकारले लागु औषधको विपत्तिसँग जुध्नका लागि भन्दै सम्पूर्ण प्रवासीहरुलाई लागु औषध सेवन गरेको नगरेको परिक्षण गर्ने योजना बनाएको समाचार छ । उक्त योजनामा काम गरिरहेको निकायले त्यसलाई अन्तिम रुप दिन लागेको बताईन्छ ।
श्रोत -स्थानिय मिडियाहरु
