महामहिम अमिर शेख नवाफ अल-अहमद अल-जाबेर अल-सबाहका प्रतिनिधि, महामहिम युवराज शेख मिशाल अल-अहमद अल-जाबेर अल-सबाहले हालै आयोजित 32 औं अरब शिखर सम्मेलनको पूर्वसन्ध्यामा शुक्रबार जेद्दाको साउदी अरबमा युक्रेनी राष्ट्रपति भोलोडिमिर जेलेन्स्कीसँग भेट गर्नु भएको समाचार कुवेत टाईम्सले प्रकाशन गरेको छ ।
भेटका क्रममा युक्रेनी नेतालाई महामहिम युवराजले महामहिम अमिरको शुभकामना सन्देश दिनु भएको थियो । दुवै पक्षले दुई देशबीचको गहिरो सम्बन्ध र दुई राज्य र त्यहाँका जनताको हितका लागि प्रवद्र्धन गर्ने माध्यमका साथै अन्तर्राष्ट्रिय र क्षेत्रीय क्षेत्रमा भएका पछिल्लो घटनाक्रमका बारेमा पनि छलफल गर्नु भएको थियो ।
महामहिम अमिरका प्रतिनिधिले युक्रेनी संकटप्रति कुवेतको अडानलाई जोड दिनुभयो जसले अन्तर्राष्ट्रिय कानूनका सिद्धान्तहरू र राष्ट्रहरूको सार्वभौमसत्ता, उनीहरूको स्वतन्त्रता र भौगोलिक अखण्डतामा तथा अन्तर्राष्ट्रिय मान्यता प्राप्त सीमाना जोड दिँदै संयुक्त राष्ट्र बडापत्रको पालना गर्नुपर्ने आवश्यकतालाई जोड दिएको बताईन्छ ।
युक्रेनी राष्ट्रपति भोलोडिमिर जेलेन्स्कीले सो अवसरमा अन्य अरब राष्ट्रहरु संयुक्त अरब इमिरेट्स र ओमानको सल्तनत का प्रतिनिधिमण्डलका प्रमुखहरूसँग भेटघाट गरेका छन्। अरब लिगको शिखर सम्मेलनमा भाग लिन राष्ट्रपति साउदी अरेबियाको भ्रमणको एक हिस्साको रूपमा वार्ता भएको युक्रिनफर्मले राष्ट्र प्रमुखको प्रेस सेवालाई उद्धृत गर्दै जनाएको छ।
संयुक्त अरब इमिरेट्सका उपराष्ट्रपति तथा उपप्रधानमन्त्री शेख मन्सुर बिन जायद अल नाह्यानसँगको वार्ताका क्रममा राष्ट्रप्रमुखले उनलाई अगाडिको अवस्था र युक्रेनले रुसको पूर्ण मात्रामा आक्रामकतालाई पन्छाउने बारे जानकारी गराएका थिए। दुवै पक्षले युक्रेनी शान्ति सूत्रको कार्यान्वयन र यस प्रक्रियामा UAE लगायतका धेरै देशहरूलाई समावेश गर्ने सम्भावनालाई विशेष ध्यान दिएका थिए। बैठकमा सहभागीहरूले विश्वव्यापी खाद्य सुरक्षा र ब्ल्याक सी ग्रेन इनिसिएटिभको कामका बारेमा पनि छलफल गरेका थिए।
साउदी अरबका युवराज मोहम्मद बिन सलमानले युक्रेनका राष्ट्रपति भोलोडिमिर जेलेन्स्कीका विशेष दूत रुस्टेम उमरोभसँग मंगलबार भेट गरेका छन्, आधिकारिक साउदी प्रेस एजेन्सी (एसपीए) ले रिपोर्ट गरेको छ।
जेद्दाको अल-सलाम दरबारमा भएको भेट भएको थियो । एक बर्ष देखि रुसी आक्रमणको शिकार भईरहेको युक्रेन का लागि अरब राष्ट्रहरुको समर्थन र सहयोग जुटाउने शिलशिलामा त्याहाँका राष्ट्रपति जेलेस्की अरब लिगको बैठक पूर्व साउदी आएका हुन ।
