तोयानाथ उपेक्षित, दाहाल
क्रिकेट हेर्न टिकट मात्र काटेर भएन, मानिसहरुले चाईनिज छाता पनि किन्न बाध्य हुन परर्यो । खेल हेर्ने रहर र खेलाडीमा प्रदान गर्ने हौसला बोकेर किर्तिपुर क्रिकेट मैदानमा जान लागेका दर्शकहरुले आकाशको अवस्था हेरेर छाता खरिद गरे । नभन्दै बर्षात शुरु भयो, सवैका छाँता खुले । खेल रोकियो तर छाता निभेनन , कसैले मैदान छाड्ने छेक छन्द नै देखाएनन । पुन पानी रोकियो र खेल शुरु भयो ।
तर पनि दर्शकहरु औधि खुशी थिए । उनीहरुको अपेक्षा अनुकुल नै खेलाडीहरुले मैदान भरी बल लाई बाहिर जान नदिन घेराबन्दि गरे । बलर ले उसरी नै धुम मच्चाए । युएईका महसुर व्याटसम्यानहरु एक पछि अर्को ढल्दै गए । करण केसी ले ७ ओभर बल फाल्दै २ वीकेट, सोमपाल कामीले ७ ओभर मा १ वीकेट, ललित राजबंशिले ४ दशमलब ३ ओभर मा ३ वीकेट, सन्दिप लामिछाने ले ७ ओभरमा २ वीकेट र गुल्सन झा ले २ ओभर फालेर १ वीकेट गरि ९ वीकेट लिई सकेका थिए । युएई सँग १ वीकेट जोगाएर खेल्न पर्ने र त्यो पछिल्ला क्रमका व्याटसम्यान बाट धेरै अपेक्षा गर्ने अवस्था नै थिएन तर मौसम फेरी गर्जियो र अकाश बर्षियो । ५० ओभरको खेलमा २७ दशमलब ३ ओभर मात्र खेल भएको थियो । रन का हिसावले युएई ले भेला पारेको १०६ रन कमजोर स्कोर हुदै होईन तर वीकेट को यात्रा समाप्त हुन लागेकोले कुनै पनि बेला पहिलो पारी सकिनेवाला थियो । यहाँ सम्म की युएई ले ३० ओभर सम्म पनि खेल्छ भन्न सकिने अवस्था होईन ।
नेपाल ले ओडीआई खेल खेलाउन बल्लबल्ल मान्यता पाएको मुलपानी क्रिकेट मैदान समेत गरेर दुई वटा मैदान छन । दुवैमा एषियन कप छनौट खेल भईरहेको छ । खेल जसोतसो फाईनल मा पुगेको अवस्था हो । आयोजक नेपाल र चिरपरिचित प्रतिद्धन्द्धी युएई को यो भिडन्तमा कस्ले बाजी मार्ने हो थाहा छैन तर अब नेपाल भने एक हिसावले ढुक्क छ । १०६ बढेर १५० नै भएछ भने पनि नेपालले त्यो लक्ष्य सजिलै भेटटाउन सक्छ भन्नेमा सवै ढुक्क छन तर खेलमा केही कुराको ग्यारेन्टी भने हुदैन । बर्षाले रोकिएको खेल भोली जहाँबाट रोकियो त्यहीबाट शुरु हुने कुरा छ ।
नेपालमा अनेकौ भ्युटावर बने र बनाईन्दैछन तर एउटा गतिलो क्रिकेट मैदानका लागि बजेट छुटटीएको पाईन्दैन । खेलाडीहरुका लागि सेवा सुविधाको त झन कुनै नगरौ । विदेशमा खेल जितेर नेपाली खेलाडी आउदा केही रकम फालेर राजनैतिक स्टन्ट गर्ने गरिन्छ । यो सवै देखेका नेपालीहरु फेरी पनि यस्ता काम र कुराका लागि न त कसैले धर्ना बस्न जान्छ नत नारा जुलुस नै गर्दछ । बल्ल तल्ल जागेका धुर्मुस को समेत साँस्कृतिक जीवन नै समाप्त पार्ने गरी हतोतसाहित पार्ने काममा धेरै लागे । उनले थालेको एउटा गतिलो स्टुडियम अधुरो छ । कमसेकम उनको कामलाई निरन्तरता दिई रहेको हुन्थ्यो भने अहिले त्यहाँ व्याटहरु चम्किरहेका हुने थिए । क्रिकेटका हस्ती राष्ट्र भारत र पाकिस्तानलाई मध्यस्तता गराउने ठाउँ हुने थियो तर यो हुन सकेको छैन ।
किर्तिपुर मैदानमा आज अर्को अन्तराष्ट्रिय समाचारको विषय बन्यो छाँता, यो सरकारलाई लज्जा हुन पर्ने हो । दर्शकको क्रेजलाई छाँताले उजागर गरेको कुरा सुन्दा राम्रै लागे पनि बर्षाले आर्गेनिक स्टुडियम भिजे पछि खेल भएको भए ती दर्शकहरुले घण्टौ सम्म उभिएर नै खेल हेर्न पर्ने थियो बस्यो त हिलो लाग्ने । नत्र त्यहि छाता ओछयाउनु पर्ने बाध्यता हुन्थ्यो, धन्य भोली एक दिन लाई रिर्जभ समय भएका ले खेल सरर्यो ।
बहुदलका ३४ बर्षमा बनेका दर्शनौ सरकारको नकाब भने खोई किन हो कसैले उतार्दैनन । किर्तिपुर मैदान होस वा मुलपानी त्यहाँ कुनै नेताहरुलाई पनि प्रवेश निषेधको कार्यक्रम जनस्तरबाट चलाउनु पर्ने दिन आएका छन यो काम चाडै हुनेछ । बाँदरले झै रुखमा चढेर, धुलो र हिलोमा बसेर अन्तराष्ट्रिय खेलहरु हेर्न पर्ने मैदान संसारको अरु कुन देशमा होला ?
नेपालले खेल क्षेत्रमा आशलाग्दो प्रगति क्रिकेटमा गरिरहेको छ । आज भन्दा १० बर्ष पहिले क्रिकेटमा मानिसहरुको खासै क्रेज पनि थिएन । सवैको आर्कषण फुटबल मै थियो तर अहिले फूटबल जतिकै महत्व दिएर दर्शक क्रिकेट मैदानमा आउन थालेका छन ।
फाइनलमा पानी परेर पूरै ओभर खेल्न नसक्ने अवस्था भएमा सुपर ओभर खेलाइनेछ । सुपर ओभर पनि खेल्ने अवस्था नरहे ओडीआई वरीयतामा यूएईभन्दा अघि रहेको नेपालले एसिया कपमा स्थान बनाउनेछ । नेपाल वरीयताको १४औं स्थानमा छ भने यूएई, नेपालभन्दा ५ स्थान तल छ ।
उपाधि जित्ने टोलीले, एसिया कपमा सिधै भारत र पाकिस्तान रहेको समूह–ए मा स्थान बनाउनेछ । समूह–बी मा श्रीलंका, अफ्गानिस्तान र बंगलादेश छन् । दुवै समूहमा शीर्ष दुईमा रहने दुई टोलीले सुपर फोरमा स्थान बनाउने छन् । सुपर फोरमा पनि शीर्ष स्थानमा रहने टोलीले उपाधिका लागि भिड्नेछन् । एसीसी एसिया कपको १३औँ संस्करण आगामी सेप्टेम्बरमा पाकिस्तानमा हुनेछ ।
