बैज्ञानिकहरुको एक महत्वकांक्षी योजना अनुसार आज युरोपियन स्पेस एजेन्सी ले फ्रान्सबाट बृहस्पतिको चन्द्रमा का लागि रकेट प्रक्षेपण गरेका छन । उक्त प्रक्षेपण हिजो गर्ने भनिएको मा मौसमका कारण त्यसलाई त्यसलाई स्थगन गरिएको थियो । एरियन ५ रकेट मार्फत भूउपग्रह त्यतातिर पठाईएको हो । उक्त रकेटमा विभिन्न बैज्ञानिक अनुसन्धानका लागि १० वटा उपकरणहरु राखिएका छन ।
सफलतापूर्वक अन्तरिक्षको अरविट पार गरेपछि उक्त दृष्य हेर्न बसेका बैज्ञानिकहरु, भिआईपीहरु र अनुसन्धानका अन्य विज्ञहरुले एक अर्कामा खुशी साट्दै अंकमाल गरेका थिए । पृथ्वीबाट ४ अरब माईल को दुरी पार गरेर बृहस्पतिको प्रणालीमा प्रविष्ट हुन उक्त रकेटलाई ८ बर्ष लाग्नेछ । यो मिसन यति लामो र कठिन छ की ८ बर्ष लामो उडान पुग्न नपाई विफल नहोला भन्ने कुनै ग्यारेन्टी हुदैन । बृहस्पती सौर्यमण्डलको चिसो ठाउँमा रहेको ग्रह हो । जहाँ पृथ्वीको तुलनामा सुर्यको प्रकाश २५ प्रतिशत मात्र पुग्दछ यसको मतलब के हो भने उक्त भू उपग्रहको पंखाले उर्जा उत्पादन गर्नका लागि लामो र फरकिलो सौर्य उर्जा पंखा फैलाएर उर्जा संकलन गर्न पर्दछ ।
यस उपग्रहको सफलता विफलता वा यसले गर्ने कार्यको प्रगति थाहा पाउन सन २०३१ सम्म कुर्न पर्ने हुन्छ । यो प्रक्षेपणको मुख्य उद्देश्य भनेको बृहस्पतीका चन्द्रमाहरुले कुनै पनि एलियन लाईफ का लागि सहयोगी छन की छैनन भनेर पत्ता लगाउनु हो । आज उक्त रकेट फ्रेन्च युरोपेली गुयना स्पेसर्पोट उक्त रकेट प्रक्षेपण गरिएको थियो । प्रक्षेपण हेर्न बेल्जियम का राज त्यहाँ उपस्थित थिए ।
