नेपाली प्रवासी ट्याक्सी व्यवसायी संघ कुवेतले भोली शुक्रबार आयोजना गर्न गईरहेको अंग्रेजी नयाँ वर्ष सांगीतिक धमाका तथा छैटाैं वार्षिक उत्सव कार्यक्रममा सहभागीता जनाउन अतिथि कलाकारहरु बहुचर्चित गायक प्रकाश सपुत र हास्यकलाकार विल्सन बिक्रम राई(तक्मेबुढा) आज बिहीबार बिहान स्थानीय समय अनुसार ५:३० बजे आईपुगे।भोलि शुक्रबारका जीलिबको सेन्ट्रल इङलिस स्कुलको हलमा आफ्नो प्रस्तुति दिने छन।
कुवेत अन्तर्राष्ट्रिय बिमानस्थलमा उनिहरुको स्वागतार्थको लागि नेपाली प्रवासी ट्याक्सी व्यवसायी संघ कुवेतका पदाधिकारीलगायत कुवेतमा कृयाशिल बिभिन्न नेपाली सँघ-संस्थाका प्रतिनिधिसहित पत्रकारहरुको उपस्थिति रहेको थियो।कलाकारद्वय प्रकाश सपूत र हास्यकलाकार तक्मेबुढाको आगमनमा कुवेतमा कृयाशिल संस्थाका पदाधिकारी, बुद्धिजिवि, समाजसेवी, पत्रकार, कलाकार, खेलाडीहरुले पुष्पगुच्चा र खादा ओढाएर भब्य स्वागत गरिएको थियो।
कार्यक्रमको विवरण:
मिति : ६ जनवरी, २०२३ शुक्रबार
समय : बिहान ११ बजेदेखि साँझ ६ बजेसम्म।
स्थान : सेन्ट्रल इङलिस स्कुल जीलिब अलसुयोख एनबीके बैंकको अगाडि।
आयोजक : नेपाली प्रवासी ट्याक्सी व्यवसायी संघ कुवेत।
