Monday 3rd October 2022

दुर्गा निराैलाका ९ विविध मुक्तकहरू


मुक्तक*
तिमी र मेरो बिचमा भएको दूरी मास्न मन लाग्छ।
तिमी सँग मेरो हृदयको साईनो गाँस्न मन लाग्छ।
दैव निष्ठुरी भएर होला मेरो पुकार कहिल्यै सुनेनन
साथी ! मलाई पनि त खुसी बटुलेर हास्न मन लाग्छ ।।

तिम्रो यादले मेराे दिलमा अागाे लगाएको छ ।
रुन्न भन्दा भन्दै पनि मलाई बार बार रुवाएकाे छ ।
केही अहम् हजुरमा पनि छ र म मा पनि
त्याे कुरा त व्यवहारले प्रष्ट नै देखाएको छ ।।

हिजाे सम्म सजन थिए म इमान्दार थिए ।
विवशताले अाज मलाई बेइमान बनाएको छ ।
हेर्दा हेर्दै सपनाकाे शहर अाफै खरानी हुन गयाे
त्यसबेला समयले माथि ठुलै ठाउँबाट मिसाइल खसाएकाे छ।।

बर्षाै देखि तिम्रो लागि याे शिर झुकाएर बसेँ ।
मनमा परेका पिरमर्का सबै लुकाएर बसेँ ।
बाह्र वर्ष भयाे तिमी रमाइलोमा दौडिरह्यौ
आज सम्म तिम्रै लागि याे ज्यान सुकाएर बसेँ ।।

मलाई दिए नि तन मन विश्वास लाग्दैन ।
नदेखाउ भो आश्वासन विश्वास लाग्दैन ।
मेरो घरको कुकुर भुक्दा डराउने मान्छे
तिमी बिना मर्छु भन्छन् विश्वास लाग्दैन ।।

तिमी अाउने बाटाेमा सिउँडी हाेइन फुल राेपेकी छु ।
मुखले हाेइन माया त साथी मन भित्र बाट गरेकी छु ।
माया लगाउन खाेजे पनि अाइलाग्छे भनेर हाेला
साथी टाढाटाढा भागे पनि म त नजिकै हुन खाेजेकी छु।।

आँखाले असाध्यै सुन्दर देखेँ विश्वास लागेन ।
व्यवहार अनि आनिबानी देख्दा खास लागेन ।
बोलीको भरमा ढाकिएको इज्जत कसरी टिक्ला
कर्मको रफ्तार देखेर तिमी प्रति आस लागेन।।

घाँटी रेटेर जान्छन् भो चाहिदैन माया मलाई ।
अनेक झुठा प्रस्तावले घेर्छन् यो हृदय जलाई ।
ए ! दयाराम अर्काका श्रीमती ताक्नेहरू हो
अब जल्नेछौ बेस्सरी कोर्दैछु बिद्रोहको सलाई ।।

कसैको छानो उड्छ विचरा हुरीलाई के थाहा
अचानाको पिर व्यथा त्यो खुकुरीलाई के थाहा
अलिअलि रुपले जब घमण्ड जो देखाइदिन्छ
आफ्नै रागले ज्यान लिन्छ कस्तुरीलाई के थाहा।।
✍️✍️✍️
🙏🙏🙏
दुर्गा निराैला


Loading...
सम्बन्धित शीर्षकहरु

इन्डोनेसियाका राष्ट्रपति जोको विडोडोले समर्थक र प्रहरीबीचको झडपमा भएको भागदौडलाई लिएर देशको फुटबल खेलहरूको सुरक्षा समीक्षा गर्न आदेश दिएका छन्,…

कुवेत - नेपालीहरुको महान चाड विजया दशमीको पावन अबसरमा नेपाल कुवेत सरोकार समाजले आयोजना गरेको वडा दशैँ तथा साँस्कृतिक गत…

बसन्त थापा, कुवेत तीतोपाटी- प्रयास गर्नेहरूले कहिल्यै हार मान्दैनन्। संसारका अनगिन्ती महापुरुष, आविष्कारक र महान् व्यक्तिहरू यस तथ्यका साक्षी छन्…

प्रतिकृयाहरू