Wednesday 8th October 2025

गोर्खाली भ्वाइस अनलाइन दोहोरी प्रतियोगिता सिजन १ सुरु, २८ र २९ तारिख अडिसन हुने


दीपक गौतम/ जापान । जे एन सनराइज मिडिया प्रा लिद्वारा आयोजित गोर्खाली भ्वाइस अनलाइन दोहोरी प्रतियोगिता सिजन १ को औपचारिक उद्घाटन गरिएको छ ।

यसै महिनाको २८ तारिख शनिवार देखि सुरु हुन लागेको गोर्खाली भ्वाइस अनलाइन दोहोरी प्रतियोगिताको उद्घाटन कार्यवहाक राजदुत अम्बिका जोसीले गरेका हुन् । प्रतियोगिताको उद्घाटन गर्दै जोसीले जुनसुकै ठाउमा गएपनि आफ्नो कला र संस्कृति भुल्न नसकिने उल्लेख गरे ।

कला र सस्कृतिको संरक्षण गर्दै बिदेशमा रहेका प्रतिभाहरुको पहिचान गर्ने उद्देश्यले यस्ता कार्यक्रमले निरन्तरता पाउने पर्ने बताउदै उनले गोर्खाली भ्वाइस अनलाइन दोहोरी प्रतियोगितालाइ १ सिजनमा मात्र सिमित नराख्न आग्रह गरे ।

जे एन सनराइज मिडिया प्रा लि द्वारा संचालित गोर्खाली भ्वाइस डट कमका प्रधान सम्पादक एबम् यस कार्यक्रमका निर्माता बिश्वास आचार्यको अध्यक्षतामा सम्पन्न भएको कार्यक्रममा एनआरएनए अन्तराष्ट्रिय समन्वय परिषद एसिया प्यासेफिकका उप-संयोजक ददिवल खड्का, एनआरएनए जापानका अध्यक्ष शिव प्रसाद पौडेल, पत्रकार महासंघ जापानका अध्यक्ष मोहन घले, नेपाली ब्यबसायी समितिका अध्यक्ष बिजय थकाली, बिष्णुप्रसाद भट्ट, अनेसास जापानका अध्यक्ष रबिन शर्मा, लोक दोहोरी गीत प्रतिष्ठान जापानक अध्यक्ष सुर्य खड्का लगायतले शुभकामना मन्तव्य ब्यक्त गरेका थिए ।

शिक्षा शान्ति वाइवाले स्वागत गरेको कार्यक्रमको संचालन प्रतियोगिताका प्रस्तोता दिनेश गौतमले गरेका थिए ।

आयोजकले दिएको जानकारी अनुसार हाल सम्म ५० टिम दर्ता भएको र प्रतियोगिता सकिन करिव ३ महिना लाग्न सक्नेछ । प्रतियोगितामा प्रथम हुने समुहले ५० हजार र मेडल, दोश्रो हुनेलाई ३० हजार र मेडल र तेश्रो हुनेले २० हजार र मेडल प्राप्त गर्ने आयोजकले जानकारी दिएको छ ।

दर्ता भएका ५० समूह बाट उत्कृष्ठ १० समूह छानिने र उनीहरुबिचको प्रतिष्पर्धा बाट पहिलो दोश्रो र तेश्रो समूहको छनोट गरिने निर्णायक मण्डलका सुर्य खड्काले जानकारी दिए । प्रतियोगिताको निर्णायकमा चर्चित गायक खड्का सहित टिका सानु र रामचन्द्र चन्द रहनेछन ।


सम्बन्धित शीर्षकहरु

तितोपाटी- बिगत दुई दिन देखि   निरन्तर परेको पानीको कारण बाढी पहिरो परेर ज्यान गुमाउनको संख्या ४९ पुगेको छ ।नेपाल प्रहरीले…

तितोपाटी- राष्ट्रिय विपद् जोखिम न्यूनीकरण तथा व्यवस्थापन प्राधिकरणले लामो दूरीका यातायात तीन दिनका लागि बन्द गर्ने निर्णय गरेको छ । …

तितोपाटी-नेपाल नागरिक उड्डयन प्राधिकरणले आन्तरिक उडानको हवाई भाडादर सार्वजनिक गरेको छ ।  नेपाल सरकारबाट स्वीकृत तोकिएको अधिकतम भाडादरभन्दा बढी रकम…

प्रतिकृयाहरू
...