भारतको आसाममा बाढीबाट ठूलो क्षति, ८७ जनाको मृत्यु

भारतको आसाम राज्यमा यस वर्षको बाढीबाट मृत्यु हुनेको संख्या ८७ पुगेको छ। बाढीको प्रभाव केही क्षेत्रमा कम भए पनि अझै ७ जिल्लाका १ लाख २८ हजारभन्दा बढी मानिस प्रभावित छन्।

बाढीको पानी ३८० गाउँमा फैलिएको छ भने करिब १४ हजार २३० हेक्टर कृषि भूमि डुबानमा परेको छ। सबैभन्दा बढी सिवसागर जिल्लामा ५५ हजारभन्दा बढी, चराइदेवमा ३४ हजार र जोरहाटमा २० हजारभन्दा बढी मानिस प्रभावित भएका छन्।

प्रभावितका लागि ५५ राहत शिविर सञ्चालनमा छन्, जहाँ ११ हजारभन्दा बढी मानिसले आश्रय लिइरहेका छन्। बाढीका कारण ८७८ घरमा आंशिक तथा ३०२ घरमा गम्भीर क्षति पुगेको छ। साथै ३४ हजारभन्दा बढी पशुचौपाया प्रभावित भएका छन् भने ५४ हजारभन्दा बढी कुखुरा बगाएको जनाइएको छ।

https://www.thestar.com.my/aseanplus/aseanplus-news/2026/08/04/india039s-assam-flood-death-toll-climbs-to-87-over-128-lakh-people-affected-relief-camps-shelter-over-11000-victims#goog_rewarded