बेलायतको आर्मी फाउन्डेसन कलेज (एएफसी) मा प्रशिक्षण लिएका चार पूर्व महिला प्रशिक्षार्थीले आफूहरू १७ वर्षको उमेरमा यौन दुर्व्यवहार, यौन उत्पीडन र महिलाविरोधी व्यवहारको शिकार भएको आरोप लगाएका छन्। एक युवतीले आफू सामूहिक बलात्कारको शिकार भएको दाबी गरेकी छन् भने अन्यले यौन उत्पीडन र दुर्व्यवहार भोग्नुपरेको बताएका छन्।
तथ्यांकअनुसार सन् २०१८ देखि २०२५ सम्म कलेजमा अनुचित यौन व्यवहारसम्बन्धी १७६ उजुरी दर्ता भएका थिए, जसमध्ये ३२ वटा कर्मचारी र १४४ वटा कनिष्ठ सैनिकविरुद्ध थिए। साथै, एक वर्षको अवधिमा यौन अपराधसम्बन्धी १६ उजुरी प्रहरीमा पुगेका थिए।
पीडितहरूले कलेजमा महिलाविरोधी संस्कृति रहेको आरोप लगाएका छन् भने बेलायती सेनाले यस्ता आरोपलाई गम्भीर रूपमा लिएर यौन हिंसा र आपराधिक गतिविधिको सेनामा कुनै स्थान नरहेको जनाएको छ।
-BBC
https://www.bbc.com/news/articles/c3w07p7wqv1o
