कुवेतस्थित प्रवासी नेपाली मञ्च कुवेत ले आगामी अगस्ट २१, २०२६ मा आफ्नो पाँचौँ राष्ट्रिय अधिवेशन आयोजना गर्ने भएको छ। अधिवेशनमा मञ्चका केन्द्रीय नेताको प्रमुख आतिथ्यता रहने आयोजकले जनाएको छ।
मञ्चका सचिव शंकर पौडेलका अनुसार कुवेतमा रहेका एमालेप्रति आस्थावान सम्पूर्ण नेपाली श्रमिक, सदस्य तथा शुभेच्छुकहरूलाई अधिवेशनमा सहभागी भई कार्यक्रमलाई सफल बनाउन हार्दिक अनुरोध गरिएको छ।
प्रवासी नेपाली मञ्च कुवेतको इतिहासमा संस्थापक अध्यक्षले तीन कार्यकाल नेतृत्व गरिसकेका छन् भने वर्तमान अध्यक्षले एक कार्यकाल पूरा गरेका छन्। यसपटकको अधिवेशनबाट नयाँ तथा युवा नेतृत्व चयन हुने अपेक्षा गरिएको आयोजकले जनाएको छ।
आयोजक समितिले अधिवेशनलाई भव्य, सभ्य र सफल बनाउन सम्पूर्ण सदस्य, समर्थक तथा नेपाली समुदायलाई सक्रिय सहभागिताका लागि आग्रह गरेको छ।
