Sunday 22nd November 2026

इन्डोनेसियाको एक कारागारमा आगलागी हुँदा कम्तीमा ४१ जनाको मृत्यु


इन्डोनेसियाको राजधानी जाकार्तानजिकै रहेको एउटा कारागारमा भएको आगलागीमा परी कम्तीमा ४१ कैदीको मृत्यु भएको छ । आगलागीमा परी अन्य ८० जना घाइते भएको सरकारी अधिकारीहरुले जानकारी दिएका छन् । उक्त जेलमा दुइ जना विदेशी कैदी सहित १२२ जना रहेको र रातीको समयमा सबै सुतीरहेको समयमा आगलागी भएकोले ठुलो संख्यामा हताहत भएको बीबीसीले जनाएको छ ।

घाइते सबैलाई अस्पताल लगिएको र ती मध्ये ८ जनाको अवस्था गम्भीर रहेको जनाइएको छ । स्थानीय समय अनुसार बिहान १ः४५ बजे आगलागी भएको थियो । करिब १ घण्टापछि मात्रै आगो निभाउन सम्भव भएको थियो । आगलागीमा परेर विदेशी दुइ कैदीको पनि ज्यान गएको छ । उनीहरू एकजना पोर्चुगलका र एक जना दक्षिण अफ्रिकाका थिए । उक्त कारागारमा थुनामा रहेका कैदीहरुमध्ये धेरै जसो लागूऔषधमा संलग्नहरू रहेको जनाइएको छ ।

बिजुली सर्ट भएर आगलागी भएको अनुमान गरिएको जाकार्ता प्रहरी प्रवक्ता युस्री युनुसले जानकारी दिएका छन् । इन्डोनेसियाको कानून र मानव अधिकार मन्त्रालयका जेल विभागकी प्रवक्ता रिका अप्रियन्तीले भने ४० कैदी राख्नको लागी डिजाइन गरिएको भीडभाडमा १२२ जना बसिरहेका बताएकी छन् ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...