Friday 22nd October 2021

कुवेत फिर्ने प्रतिक्षा कहिलेसम्म ?


तोयानाथ उपेक्षित, तीतोपाटी – बारम्बार कुवेतबाट घर विदामा नेपाल गएका नेपाली साथीभाईहरुले कहिले सम्ममा कुवेत फर्कन पाउँछौ भन्दै सोध्नु हुन्छ । साह्रै कमजोर शैक्षिक धरातल भएका मध्ये कतिपयले भरपर्दो सूचना पाईन्छ भन्ने आशा राख्नु अस्वभाविक पनि होईन । बास्तविकता चाहीँ के हो भने म पनि उहाँहरु जस्तो मात्र हुँ ।

हो खाडीका अन्य मुलुकको तुलनामा कुवेतले विदेशीहरुका लागि अलिक धेरै कडाई गरिरहेको अवस्था हो । सानो देश थोरै जनसंख्या भएको हुनाले उनीहरुलाई हामीलाई भन्दा धेरै आफ्ना नागरिक र देशको चिन्ता गर्नु स्वभाविक हो । जब देखि कोभिडको महामारी शुरु भयो त्यसबेला देखि अहिले सम्म लगभग १८ महिना यता कसैले पनि सिधै कुवेत प्रवेश गर्ने अवसर पाएका छैनन । डेल्टा र बेलायती भाईरसको स्वरुपमा म्युटेशन भएको सार्वजनिक नहुँदा सम्म आगामी दिनहरु सामान्य होला की जस्तो हुदै थियो तर त्यसपछि प्रतिबन्धहरु झन कडा हुन पुगे ।

संसारभरी नै धेरै थोरै मानिसहरुले भ्याक्सिन पाउन थाले पछि धेरै जसो देशहरुमा अहिले कोरोना भाईरस नियन्त्रित रुपमा फैलदो छ त्यही अवस्थाबाट अघि बढदै कुवेत अहिले भाईरस माथि हावी भैसकेको छ । दैनिक संक्रमित आजका दिन सम्म आईपुग्दा दैनिक दुई तिन सयको हाराहारीमा छ । बजारहरु पूर्ण रुपमा खुलेका छन । कार्यालयहरु पूर्ण जनशक्तिका साथ काममा फर्किएका छन । औधोगिक र निर्माणाधिन क्षेत्रमा कामले गति लिन थालेको छ । श्रमका गतिविधी बढेका छन र बजारमा श्रमिकहरुको ठुलो अभाव छ यद्यपी कुवेतले अझै नयाँ कामदारको कुरा त परै जाओस घर विदामा गएका कामदारको फिर्ती समेत खुल्ला गरिसकेको छैन ।

विगतका दिनमा अगष्ट १८ बाट खुल्ने भन्ने कुरा सार्वजनिक भयो तर त्यसलाई रोकियो । खास गरेर दक्षिण यसियाली देशहरु नेपाल, भारत, श्रीलंका, बंगलादेश र पाकिस्तानका हकमा कुवेत सरकारले प्रतिवन्ध कायम नै राख्न पुग्यो । यहाँको श्रम बजारको ठुलो हिस्सा यिनै देशका श्रमिकले भरिएको छ । हजारौ श्रमिकहरु कुवेत फर्कने दिनको प्रतिक्षा गरिरहेका छन । महिनौ लामो प्रतिक्षामा रहेकाहरुको साझा सवाल हो हामी कहिले फिर्न पाउछौ ?

कुवेतको स्वास्थ्य मन्त्रालयका प्रवक्ता डाक्टर अबदुल्लाह अल सनदले हिजै मात्र भनेका छन वी आर अन दी राईट ट्रयाक टु एचिभ कम्युनिटी ईम्युनिटी । यसको मतलब हो कुवेतले यहाँ रहेको जनसंख्याको ७० प्रतिशत लाई भ्याकसिन लगाई सकेको छ । जसका कारण समुदायमा ईम्युनिटी पावरको एउटा स्तर कायम भयो । यो भन्नुको मतलब अब कोभिडले अर्को स्वरुपमा आफ्नो रुप बदलेन भने समुदाय सुरक्षीत रहेने अवस्था निर्माण भयो भन्ने हो ।

हालका दिनमा कुवेतले माथि भनिएका रेड जोनमा परेका देखि बाहेकका देशमा हवाई सेवा सञ्चालन गरिरहेको छ । तथापी प्रतिदिन साढे सात हजार भन्दा धेरैको प्रवेश नहुने गरी । साउथ यसियन मुलुकलाई खुला गरेको अवस्थामा प्रतिदिन उक्त संख्या हजारौको हुन जानेछ । मत्थर हुदै गएको भाईरस पुन उकालो नलागोस भनेर कुवेत सरकारले दक्षिण एसियन देशका लागि कुवेत प्रवेशको कोटा दैनिक कति तोक्ने भनेर हालका दिनमा छलफल गरिरहेको अवस्था हो । संभवत एक साता भित्रै खोल्ने तयारी रहे पनि सिमित संख्यामा प्रवेश दिने नीतिका कारण कुवेत उडानको प्रतिक्षामा रहेका धेरैलाई निराश नै तुल्याई दिने छ भने प्रवेश त्यति सहज हुने छैन ।

हेल्थ प्रोटोकल पुरा नगरि आफ्नो देशभित्र सहजै प्रवेश कुनै देशले पनि दिदैनन त्यसमा पनि कुवेतले यस विषयलाई गंभिरतापूर्वक कार्यान्वायन गर्ने देखिन्छ । ७२ घण्टा भित्रको पिसिआर जाँच रिर्पोट नेगेटिभ हुन पर्ने पहिलो शर्त हो भने कोभिड विरुद्धको भ्याक्सिन अनिवार्य छ । त्यसमा पनि जोनसन एण्ड जोनसन, फाईजर, अस्ट्रजेनीका, मोर्डना लगायतका पूर्ण खोप मात्र स्वीकृत छन । अन्य खोप लगाएकाले आउन पाउने कुराको सुनिश्चिता छैन ।

विशेष कुरा के पनि छ भने आउन अगाडी उनीहरुको अनुरोधले स्वीकृती पाएको हुन पर्नेछ । त्यसका लागि स्लोनिक एप्लिकेशनमा मागिएका विवरण भरेर पठाउन पर्ने हुन्छ । अर्थात उसको ईम्युनिटी सही छ भन्ने देखाउने ईम्युन एप्लिकेशनमा आफ्ना विबरणको रेर्कड देखाउन सक्नु पर्दछ ।

आशा गरौ कुवेतबाट घर गएकाहरु आफ्नो पूर्ववत नोकरीमा छिटै फर्कन पाउने दिन आउने छ । संभवत सेप्टेम्बर १ तारिक उक्त अवसर जुर्ला तर यहाँ आशंका के हो भने कुवेतले कोभिड शुरु हुन भन्दा पहिले देखि नै डेमोग्राफीका ईम्व्यालेन्सलाई लिएर विदेशी कामदारको संख्या घटाउने योजनामा थियो । जस अनुसार ५ बर्षमा करिब १० लाख विदेशीको संख्या घटाई सक्नु पर्ने हुन्छ । त्यसका लागि कोभिड एउटा बहाना बनेर त्यसका लागि सहजता पैदा भईरहेको हुदा सम्भव भए सम्म जानेलाई वाई बाई र आउनेलाई कडाई हुने अनुमान पनि छदैछ । यस्तो अवस्थामा गएकाहरुलाई सहजै फर्कन गाहो हुने बताईन्छ ।


Loading...
सम्बन्धित शीर्षकहरु

जन्मदिनको अवसरमा शुभकामनासहित बन्दना घिमिरे - भरतपुर,चितवनकी चेली,सफल व्यवसायी, कुशल पाठक र लघुकथाकार गीता शर्मा चापागाईंले मिति २०७८/७/४ गते हाम्राे…

तितोपाटी- वैदेशिक रोजगारीका लागि भन्दै दुबई गएर अलपत्र परेका पर्साको बहुदरमाई नगरपालिका घर भएका सात युवा उद्धार पश्चात घर फर्केका…

जुनेली परिकल्पना गरी जोडेम हामी धेरै मीत, ज्ञान,भाव,साहित्यमा सधै हुन्छ हाम्रो जीत, सत्यता र शीतलताको प्रतीक बन्यो जुनेली शीत, विश्वास…

प्रतिकृयाहरू