तीतोपाटी – कुवेत सरकारले इजिप्ट तथा नेपाल लगायत दक्षिण एसियाका मुलुकबाट सिधा उडान संचालन गर्ने निर्णय गरेको छ । कुवेत सरकारको मन्त्रिपरिषदले सो निर्णय गरे पनि सिधा उडान कहिले देखि शुरू गर्ने भनेर खुलाइएको छैन । कुवेतबाट प्रकाशित हुने अनलाइनहरू कुवेत टाइम्स, अरब टाइम्स तथा अलकवास दैनिका यस सम्बन्धि समाचार प्रकाशित भएका छन् ।
कुवेतबाट प्रकाशित हुने अखबार अलकवासमा प्रकाशित समाचारका अनुसार कुवेत सरकारले इजिप्ट, नेपाल, भारत, बंगलादेश, पाकिस्तान र श्रीलंकाबाट व्यावसायिक उडान गर्ने निर्णय गरेको जनाइए पनि कुन मिति देखि उडान शुरू गर्ने जनाइएको छैन । कोभिड-१९ को सुरक्षा मापदण्ड पुरा गरेर उपरोक्त देशहरूबाट सिधा उडान भर्ने जनाइएको छ ।
यस अघि यहि अगष्ट एकबाट अन्तर्राष्ट्रिय रूपमा उडान शुरू गरेको कुवेतले नेपाल, भारत, पाकिस्तान, बंगलादेश र श्रीलंका लगायतका देशमा कोरोनाको जोखिम उच्च रहेको भनि यि देशहरूलाइ रेडजोनको रूपमा राखि ति देशबाट कुवेत अाउनु पर्ने यात्रुहरूले कुवेतले ग्रीनजोनको रूपमा मान्यता दिएका तेश्रो मुलुकमा २ हप्ते क्वारेन्टिन बसेर मात्रै कुवेत छिर्न पाउने बताएको थियो ।
