हरी कृष्ण न्यौपाने-कुवेत सरकारले कोभिड भ्याक्सिन नलगाएका ब्यक्तिहरुका लागि जुन-२७,२०२१का दिनबाट ६००० स्क्वाएर मिटर भन्दा ठुलो क्षेत्रफल भएका सपिङ मलहरु, रेष्टुरेन्ट, शैलुन,हेल्थ क्लब र प्रमुख कम्प्लेक्सहरुमा प्रबेश निषेध गरे पनि को-अप(सहकारी) तथा साना मार्केट(६००० स्क्वाएर मिटर भन्दा कम क्षेत्रफल भएका)हरुमा भने प्रबेश दीने भएको छ।
बिशेष गरी कुवेत सरकारले सस्तो र सुलभ मुल्यमा अत्याबश्यक सामाग्रीहरु उपलब्ध गराउने उध्येश्यले आफ्नै निगरानीमा रहने गरी को-अपरेटिभ सोसाइटी(सहकारी)हरुलाई कुवेतको चोक-चोकमा खोलेको छ।यसरी खोलिएको को-अपहरुमा माछा-मासु, तरकारी,खाद्य पदार्थ तथा अत्याबश्यक सामाग्रीहरु पाइने गर्छ।
खास गरी कोभिड भ्याक्सिन लगाउन नाम दर्ता गराएर पालो कुरिरहेका नागरिक तथा आप्रबासीहरु र करिब २ लाखको हाराहारीमा रहेका अनडकुमेन्टेड(अबैधानिक) आप्राबासीहरुका लागि कुवेत सरकारको यो निर्णयबाट केही राहत मिल्ने अरबटाइम्समा जनाइएको छ।
