तितोपाटी- विपक्षी गठबन्धनका शिर्ष नेताहरुले आज विभिन्न मिडियाका राजनीतिक बिटमा काम गर्ने पत्रकारहरुसँग अन्तरक्रिया गर्ने भएका छन्।
दिउँसो दुई बजेपछि संसद भवनमा छलफल कार्यक्रम राखिएको नेपाली काँग्रेसका मुख्यसचिव कृष्णप्रसाद पौडेलले जानकारी दिए ।
उनका अनुसार विपक्षी गठबन्धनका शीर्ष नेता शेरवहादुर देउवा, पुष्पकमल दाहाल प्रचण्ड, उपेन्द्र यादव, माधवकुमार नेपाल र दुर्गा पौडेलले सम्पादकहरुसँग अन्तरक्रिया गर्ने कार्यक्रम रहेको छ। यसैगरी विपक्षी गठबन्धनले बुद्धिजिवी र नागरिक समाजसँग पनि छलफल गर्ने कार्यक्रम रहेको छ ।
गत बुधबार देउवा निवासमा बसेको गठबन्धनको बैठकले सरकारका अलोकतान्त्रिक र असंवैधानिक कदमविरुद्ध पत्रकार नागरिक समाज, बुद्धिजीवीलगायतसँग अन्तर्क्रिया गर्ने निर्णय गरेको थियो ।
