नेकपा एमालेमा समानान्तर कमिटी गठन कार्यले तीव्रता पाएको छ । वरिष्ठ नेता माधवकुमार नेपाल र झलनाथ खनाल समूहले विद्यार्थीमा पनि समानान्तर कमिटी बनाएको छ । राष्ट्रिय कार्यकर्ता भेला गरेर यो समूहले अनेरास्ववियुमा समानान्तर कमिटी बनाएको हो ।
समानान्तर अखिलको अध्यक्षमा सुदेश पराजुली चुनिएका छन भने सहअध्यक्ष ओसिम आलम र महासचिव आरती लामा चयन गरिएको छ । भेलाले केन्द्रीय कमिटी पनि निर्माण गरेको छ । सोही भेलामा माधव नेपाल, सुरेन्द्र पाण्डे र भीमबहादुर रावलसहितका नेताले सम्बोधन गरेका थिए । माधव- झलनाथ समूहले अखिल नेपाल महिला संघ र युवा संघ नेपालमा पनि समानान्तर कमिटी बनाएको छ।
