तितोपाटी- अघिल्ला वर्षहरु जस्तै कोरोनाकालमा पनि मध्य तराई भनिने प्रदेश नं २ र प्रदेश नं १ अन्तरगतको पूर्वी पहाडी जिल्लाका युवाहरु वैदेशिक रोजगारीमा बढी निर्भर देखिएका छन् । विगत केही वर्षदेखि उक्त क्षेत्रबाट वैदेशिक रोजगारीमा जाने क्रम बढेको थियो भने कोरोना कालमा पनि उक्त क्रम यथावत रहेको छ । सो क्षेत्रबाट मुलतः रोजगारीका लागि मलेसिया जाने कामदारको संख्या बढी हुने गरेकोमा मलेसियाको रोजगारी बन्द हुँदा पनि उक्त क्षेत्रबाट वैदेशिक रोजगारीमा जाने कामदारको संख्या देशका अन्य भागको तुलनामा बढी देखिएको छ ।
विगतका वर्षहरु जस्तै यसपटक पनि धनुषा र सिराहा जिल्लाबाट सबैभन्दा धेरै व्यक्ति रोजगारीका खोजीमा विदेशिएका छन् । फागुन महिनामा धनुषबाट ६ सय ३४ जना वैदेशिक रोजगारीका लागि गएका छन् । सिराहाबाट फागुनमा वैदेशिक रोजगारीमा जानेको संख्या ६ सय ९२ जना रहेको छ । तेश्रो स्थानमा रहेको झापाबाट ४ सय २२ जना वैदेशिक रोजगारमा गएका छन् भने चौथो स्थानमा मोरङबाट ४ हजार ३ सय विदेशिएका छन् ।
यस्तै पाँचौ स्थानमा रहेको महोत्तरीबाट ३ हजार ६० जना, सुनसरीबाट ३ सय ३५ जना, सर्लाहीबाट २ सय ७६ जना गएका छन् । पश्चिम बागमती प्रदेशको चितवन, लुम्बिनी प्रदेशका नवलपरासी, दाङ, रुपन्देही कपिलवस्तु जिल्लाबाट पनि उल्लेख्य संख्यामा वैदेशिक रोजगारीमा गएका छन् ।
केही वर्षअघिसम्म भारतको हरियाणा र पञ्जाबलगायतका शहरमा धनुषा, झापा, मोरङलगायतका जिल्लाबाट युवा काम गर्न जाने गरेका भएपनि पछिल्ला वर्षहरुमा मलेसिया र खाडी मुलुकमा जाने युवाहरुको संख्या बढेको छ ।मध्यान्ह न्युजबाट
