नेपाल सरकार र नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा) बीच तीन बुँदे सहमति पत्रमा हस्ताक्षर भएको छ। शुक्रबार काठमाडौंस्थित राष्ट्रिय सभा गृहमा सरकारका तर्फबाट वार्ता टोलीका संयोजक गृहमन्त्री राम बहादुर थापा र विप्लव समूहका तर्फबाट पार्टी प्रवक्ता खड्गबहादुर विश्वकर्मा ‘प्रकाण्ड’ले समहमति पत्रमा हस्ताक्षर गरेका हुन्।
सरकार र विप्लव समूहबीच भएका तीन बुँदे सहमतिः
१. सरकार र नेपाल कम्युनिस्ट पार्टी दुबैले वार्ताबाट समस्याको समाधान गर्ने,
२. विप्लव समूहले शान्तिपूर्ण रुपमा राजनीतिक क्रियाकलाप सञ्चालन गर्ने,
३. पक्राउ विप्लव समूहका कार्यकर्ता रिहा तथा सम्पूर्ण मुद्दा फिर्ता लिने।
