Monday 20th October 2025

कविताः बटुवा हुँ म – इन्द्र बान्तवा ‘देवा’


अनन्त यात्राको बटुवा हुँ म, बाटो देखाइदेउ।
लक्ष्यबिन्दुमा पुग्नु छ मैले, साहस भरिदेउ।

अन्धकारमा रुमल्लिरहेछु म, उज्यालो छरिदेउ ।
अज्ञानतामा लट्लिरहेछु म, ज्ञानबुद्धि भरिदेउ ।

दुविधामा अलमलिरहेछु म, सत्मार्ग देखाइदेउ ।

फोहोर दलदलमा फसेको छु म, हिमाल देखाइदेउ ।

कर्तब्य बिहिन मगनमस्त छु म, यथार्थ सम्झाइदेउ ।

मानविय गुणलाइ बिर्सिसकेछु म, मानवता जगाइदेउ ।

सहानुभूति होइन मलाई,उत्साहित बनाइदेउ।
अन्धकार यो अन्तरात्मा भित्र ज्योति बालिदेउ ।

-इन्द्रबान्तवा देवा’
कटुन्जे भोजपुर
हालः कुवेत ।


सम्बन्धित शीर्षकहरु

लुलु हाइपरमार्केटले आफ्नो जीवन्त ‘लुलु वाली दिवाली २०२५’ उत्सव सफलतापूर्वक सुरु गरेको छ, जसले कुवेतभरि सबै लुलु आउटलेटहरूमा उज्यालो पर्वको…

उज्यालोको पर्वका रूपमा लिइने चाड यमपञ्चक अर्थात् तिहार आजदेखि विधिवत् आरम्भ हुँदैछ । प्रत्येक वर्ष कार्तिक कृष्ण त्रयोदशीदेखि कार्तिक शुक्ल…

तितोपाटी- नेपालले आईसीसी टी-२० विश्वकप एसिया-ईस्ट एसिया प्यासिफिक छनोटको उपाधि जितेको छ । ओमनमा भएको छनोटको अन्तिम खेलमा सामोआलाई १२४…

प्रतिकृयाहरू
...