अमेरिकाले पहिलो पटक आफूले अन्तरिक्ष (स्पेस) मा हतियार तैनाथ गरेको कुरा सार्वजनिक रूपमा स्वीकार गरेको छ। अमेरिकी स्पेस फोर्सका अनुसार यी हतियारहरू अमेरिका र उसका सहयोगी देशहरूलाई सम्भावित आक्रमणबाट जोगाउन राखिएका हुन्। अमेरिकाले चीन र रुसबाट अन्तरिक्ष क्षेत्रमा बढ्दो चुनौती सामना गरिरहेको बताएको छ।
स्पेस फोर्सका अधिकारीहरूले चीनले अन्तरिक्षमा प्रयोग हुने आधुनिक हतियार तथा प्रतिरक्षा प्रणाली तीव्र रूपमा विकास गरिरहेको र रुसले पनि अन्तरिक्षलाई भविष्यको युद्धको महत्वपूर्ण क्षेत्रका रूपमा हेर्ने गरेको बताएका छन्।
अमेरिकी वायुसेना सचिव ट्रोय मेइन्कले अन्तरिक्षमा प्रभुत्व कायम राख्न अमेरिका तयार रहनुपर्ने बताए। उनले आवश्यक परे शत्रुको खतरा रोक्न सक्ने क्षमता अमेरिकासँग रहेको दाबी गरे।
अमेरिकाले अन्तरिक्षमा राखिएका दुई प्रणालीबारे जानकारी दिएको छ:
स्पेस-बेस्ड इन्टरसेप्टर प्रोग्राम: मिसाइल रोक्न प्रयोग हुने प्रणाली।
स्पेस-बेस्ड एयर-मुभिङ टार्गेट इन्डिकेशन कन्स्टेलेसन: आकाश वा भूमिमा हुने गतिविधि निगरानी गर्ने प्रणाली।
तर, यी हतियार कसरी काम गर्छन्, परीक्षण गरिएको छ वा छैन भन्ने विषयमा अमेरिकाले थप विवरण सार्वजनिक गरेको छैन।
श्रोतः https://www.independent.co.uk/space/us-space-weapons-first-time-b3050226.html
