गजल
सदन भित्रै मारामार, तानातान भयो किन ?
सुख शान्ति समृद्धिको, कुरा उखान भयो किन?
साथीभाई आफन्त मै घोचपेच डाहा ईर्श्या,
जस्को शक्ति उस्को भक्ति हानाहान भयो किन?
कैले सडक आन्दोलन कैले बन्द हडताल गरि,
दुख कष्ट दिने काम जानाजान भयो किन?
नियम कानुन सुशासन बिर्सियौ कि नैतिकता,
कानुनको दुरुपयोग, अपमान भयो किन ?
बढ्दै गयो बेथिति नि कतै छैन चाल निको,
प्रतिगमन मार्ग तिर देश उठान भयो किन ?
प्रतिमा शिवाकोटी
कालिन्चोक गा पा ८,सुनखानी दोलखा
बागमती प्रदेश ।
