कुवेतमा कृयाशिल संस्था नेपाल कुवेत सरोकार समाजको पहलमा भोटेकोशी बाढी पीडितलाई सहयोग गर्ने उद्देश्यले “NKSS Concert 2026” आयोजना हुने भएको छ। नेपाल कुवेत सरोकार समाज (NKSS) द्वारा आयोजित उक्त सांगीतिक कार्यक्रम आगामी १८ डिसेम्बर २०२६ (शुक्रबार) कुवेतको जलिबस्थित एस्पायर इन्डियन स्कुल (Aspire Indian School, Jleeb) को सभा हलमा आयोजना गरिनेछ।
कार्यक्रम दिउँसो २ बजेदेखि सुरु हुने आयोजकले जनाएको छ। कार्यक्रममा नेपालका चर्चित र्यापर तथा गायक VTEN (समीर घिसिङ) मुख्य आकर्षणका रूपमा प्रस्तुत हुनेछन्। VTEN को प्रत्यक्ष प्रस्तुति हेर्न कुवेतमा रहेका नेपाली दर्शकमाझ उत्साह बढेको छ।
बाढीबाट प्रभावित नेपालीहरूको सहयोगार्थ आयोजित यस कार्यक्रमलाई NIREM ले व्यवस्थापन गरिरहेको छ। आयोजकका अनुसार कुवेतमा रहेका नेपाली समुदायलाई मनोरञ्जन प्रदान गर्नुका साथै सामाजिक सेवाको उद्देश्यलाई समेत सशक्त बनाउने लक्ष्यका साथ कन्सर्ट आयोजना गर्न लागिएको हो।
कार्यक्रममा कुवेतमा रहेको NepTone Band को विशेष प्रस्तुती रहनेछ भने कुवेतस्थित कलाकारहरूको सांगीतिक प्रस्तुति, मनोरञ्जनात्मक कार्यक्रम तथा समाजिक अभियानसम्बन्धी विभिन्न गतिविधि पनि समावेश गरिने अपेक्षा गरिएको छ। आयोजकले कुवेतमा रहेका सम्पूर्ण नेपाली समुदायलाई कार्यक्रममा उपस्थित भई बाढी पीडितको सहयोग अभियानमा साथ दिन आग्रह गरेको छ।
कार्यक्रम विवरण:
कार्यक्रम: NKSS Concert 2026
उद्देश्य: बाढी पीडित सहयोगार्थ
मुख्य कलाकार: VTEN
मिति: १८ डिसेम्बर २०२६, शुक्रबार
समय: दिउँसो २ बजेबाट
स्थान: Aspire Indian School, Jleeb, Kuwait
आयोजक: नेपाल कुवेत सरोकार समाज (NKSS)
व्यवस्थापन: NIREM
