चर्किन्छ छाती, धड्किन्छ मुटु
तिम्रो नै यादमा ।
विछोडको पिडा आँशुले भिज्छ
सिरानी रातमा ।।
परदेशियौ प्यारा खुशीलाई छोडी
रहर किन्नलाई ।
गार्हो छ एक्लै ज्युँन हजुर
यहाँ मान्छे चिन्नलाई ।।
झझल्को मिठो सधै नै तिम्रो
हँसिलो मुहारको ।
दिलमा फोटो खिचेको छु
त्यो तिम्रो अनुहारको ।।
डर लाग्छ कहिले सुकेर जाला
फक्रेको जवानी ।
सम्हाल्छु मन सम्झिदै
पछिको जिन्दगानी ।।
सात जुनिसम्म समाउला हात
दिएर साथ ।
चाहना सधैं, नफैलियोस कहिल्यै
नमिठो बात ।।
सजाएका ती रङ्गिन सपना
हल्लाउँछ हुरीले।
माया छ प्रगाढ, पिर नलेउ प्यारा
भौतिक दुरीले ।।
-धर्मिला कार्की
महाराजगंज, काठमाडौँ
