तितोपाटी- कुवेतबाट प्रकाशित हुदै आएको अनलाईन खबर तितोपाटी मिडिया तथा कोसेली न्युजको कार्यकारी सम्पादकमा पत्रकार बसन्त थापा सर्वसहमत चयन भएका छन।
हिजो मंगलवार सम्पन्न तितोपाटी मिडियाको सम्पादक मण्डलको अनलाइन भर्चुअल बैठकले थापालाई कार्यकारी सम्पादकको जिम्मेवारी दिएको हो ।
बिगत चार वर्ष अधिदेखी पत्रकारीतामा सक्रिय एवम् नेपाल पत्रकार महासंघ कुवेत शाखाका सदस्य समेत रहेका थापा कुवेत आउनुपुर्व नेपालदेखीनै विभिन्न मिडियाहरुमा कलम चलाउदै आएका थिए।
झण्डै एकदशक देखी कुवेतमा कार्यरत थापा विभिन्न सामाजिक संघ शंस्थाहरुमा आवद्ध रहदै आएका छन साथै परोपकारी पत्रकारितामा समेत सक्रिय रहेका छन।
विगत एकदशक भन्दा अघीदेखी कुवेतबाट प्रकाशन सुरु गरी गल्फको नगरीमा फरक धारको पहिचान बनाएको तितोपाटी नेपाली पत्रकारितामा फरक धारको प्रतिनिधित्व गर्ने मिडियाको रुपमा स्थापित छ ।
कुवेत लगायत खाडीका अन्यदेशमा कार्यरत श्रमिक समस्या , लगायत अन्यकिसिमका घटनाको सत्यतथ्य सोही मिडिया मार्फत छिटो र छरितो बाहिर आउने मध्यमा पर्दछ।
कार्यकारी सम्पादकमा नियुक्त भएपछि थापाले मन, वचन र कर्मले सदैव सामाजिक पत्रकारितामा समर्पित भइरहने प्रतिवद्वता व्यक्त गरेका छन्।
