तितोपाटी – नेपाल सरकार स्वास्थ्य तथा जनसंख्या मन्त्रालयले कोभिड १९ को उपचारका लागि देश भर ६ हजार भन्दा बढि शैया थप गरेको जनाएको छ । शुक्रबार अपरान्ह स्वास्थ्य मन्त्रालयको नियमित मिडिया ब्रिफिङमा प्रवक्ता प्रा. डा. जागेश्वर गाैतमले सो कुराको जानकारी दिएका हुन् । नेपालमा कोरोना संक्रमितको संख्या अनपेक्षित रूपमा बढ्न थालेपछि सरकारले अस्पतालमा कोभिड-19 उपचारको लागि शैया संख्या बढाएको हो ।
यसका लागि सरकारले केन्द्रका अस्पतालहरूमा एक हजार शैया थप गरेको छ । प्रादेशिक अस्पतालमा १ हजार ९ सय ५७ शैय्या थप गरिएको छ । यस्तै, अस्पताल नभएका ६ सय ४९ स्थानीय पालिकामा प्रति पालिका ५ शैयाको अस्पतालको दरले ३ हजार २ सय ४५ शैय्या अावश्यक जनशक्ति सहित थप गरेको प्रवक्ता गाैतमले जानकारी दिएका छन् ।
