ओईलिएका ईच्छा,आकांक्षाहरु झरेर गए ।
पूर्ण नहुँदै मनका सबै चाहनाहरु मरेर गए ।।
सायद अब पुगिसके होला सिमाना बाहिर
फर्किन्नन् कहिले सयौं खोलाहरु तरेर गए ।।
अरुको के कुरा, माटोको माया पनि थिएन
उम्रन्न मनको बारीमा टुसाहरु नुन छरेर गए ।।
कस्तो अचम्म मानविय स्वभाव त देखिएन
कठोर बनि दिलका ढोकाहरु बन्द गरेर गए ।।
के देख्नु पर्यो नि अनौठो परेको रणभुल्लमा
भाडादार सम्झेर घरभेटीहरु डेरा सरेर गए ।।
-राम भण्डारी
सिन्धुपाल्चोक
हालः काठमाडाैं ।
