सुरु सुरुमा के-कसो हो जानिएन भन्दा भन्दै ।
के हो सहि, के हो गलत छानिएन भन्दा भन्दै ।।
ध्यान जान सकेन साँच्चै कोरोनाको बारेमा
आफैं जान्नेसुन्ने भईयो मानिएन भन्दा भन्दै ।।
विचार पनि नगरेर हेलचक्य्राइँ कसले गर्यो
कोभिड छिर्ने ढोकाहरु तानिएन भन्दा भन्दै ।।
समयको माग के हो? बुझ्नुपर्थ्यो सरकारले
बन्दाबन्दी किन उचित ठानिएन भन्दा भन्दै ।।
हामी बिग्रियौ छिमेकीको लहैलहैमा लागेर
किन मौकामा चौका हानिएन भन्दा भन्दै ।।
-राम भण्डारी
सिन्धुपाल्चोक
हालः काठमाडाैं ।