गजल
निर्धक्क मनले तिम्रो फूलबारीमा डुल्न पाएँ ।
धानका बाला झैं तिम्रो मनभरी झुल्न पाएँ ।।
तिम्रो साथबाट कहिल्यै नछुट्टिने कसम खादै
जिन्दगीका ब्यथाहरु सधैंलाई भुल्न पाएँ ।।
अन्धकारमा रुमल्लिएर विलिन हुनै लाग्दा
रिमझिम झरिपछि निलो गगन झैं खुल्न पाएँ।।
अलौकिक सुवासको मन्द मन्द वासना दिएर
तिम्रो जिवनमा वसन्त बहार झैं फूल्न पाएँ ।।
धन्य छु म कुन फूलले श्रृंगारौं मेरी अर्धाङ्गिनी
तिम्रै सप्तरंगी ईन्द्रेणी रंगहरु सँग घुल्न पाएँ ।।
-राम भण्डारी