तितोपाटी – नेपालमा पछिल्लो केहि दिन यता संक्रमित हुनेको संख्या घट्दो छ भने कोरोना जित्नेको संख्या बढ्दो छ । पछिल्लो २४ घण्टामा थप ७० जनामा कोरोना संक्रमण पुष्टि भएको छ भने एकै दिन ४३१ जनाले कोरोना जितेर डिश्चार्ज भएका छन् र ३ जनाको ज्यान गएको छ । याे सँगे कोरोना संक्रमण हुनेको कुल संख्या १६७१९ पुगेको छ भने नेपालका सतहत्तरै जिल्लामा कोरोनाभाइरस फैलिसकेको छ भने देशभरका अस्पताल तथा अाइसोलेसन सेन्टरमा मा ८२३९ जना उपचाररत रहेका छन् ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार शनिबार अपरान्ह सम्म कुल ८४४२ जना कोरोना संक्रमणबाट निको भएर घर फर्किएका छन् । त्यसै गरि काठमाडाैंका ६० र ५४ वर्षीय पुरूषहरू तथा सिन्धुपाल्चोकका ४५ वर्षीय पुरूषको कोरोनाको कारण मृत्यु भएको छ भने हाल सम्म मृत्यु हुनेको संख्या ३८ पुगेको छ । हालसम्म देशभरका २५ वटा ल्याबबाट पोलिमरेज चेन रियाक्सन भनिने पीसीआर विधिबाट २ लाख ७९ हजार ५ साय ९९ जनाको परीक्षण भएको छ भने हाल क्वारेन्टाइनमा २४ हजार ९७ जना रहेका छन् ।
विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म १ करोड २७ लाख १२ हजार भन्दा बढि संक्रमित भइ ७४ लाख १४ हजार भन्दा बढिले स्वास्थ्यलाभ गरिसकेका छन् भने ५ लाख ६४ हजार भन्दा बढिको ज्यान गइसकेको छ ।
