तोयानाथ उपेक्षित, नगरपालीका प्रशासनले कुवेतका सरकारी निकायमा काम गर्ने एक लाख विदेशी कर्मचारी लाई एक बर्ष भित्रमा निकाल्ने भएको छ । हालै मात्र दरखास्त माग भई आवेदन दिएकाहरुको माग पत्र समेत रद्ध गर्ने फैसला गरेको छ ।
नगरपालिकाको उक्त फैसलालाई नगरपालीका हेर्ने राज्य मन्त्री वालिद अल जासिमले लागु गर्न हिजै निर्देशन दिएको समाचार अरब टाईम्सले प्रकाशन गरेको छ । उक्त फैसला तुरुन्तै कार्यान्वयनमा आउने र एक बर्ष भित्रमा पुरा गर्ने भनिएको छ । यसरी लागु हुने नयाँ कानूनको कारण कुवेतको सरकारी निकायमा काम गर्ने एक लाख विदेशीहरु रोजगार गुमाउने छन । समाचार अनुसार २६ प्रतिशत विदेशी हाल ती क्षेत्रहरुमा कार्यरत छन । तिनलाई विस्थापन गरेर कुवेतीहरु नियुक्ति गरिने कुरा समाचारमा उल्लेख छ । यदि कुनै ठाउँमा कुवेतीको आवेदन परेनछ भने त्यस क्षेत्रमा एक साल भन्दा नबढ्ने गरी विदेशी कर्मचारी नियुक्ति गरिने भनिएको छ ।
एम पी सफा एल हसहेम तथा अवदुल अल कन्दारीले नगरपालिकाको निर्णयको स्वागत गरेका छन । यसरी नै कोरोना संकटले बन्द भएका प्राईभेट सेक्टरमा समेत लाखौको नोकरी जान सक्ने भएकाले कम्पनीहरुलाई कर्मचारी कटौती गर्ने वा तलब घटाएर काममा लगाउन दिईने कुरा उठाएका छन ।
कुवेत लामो समय देखि लकडाउनमा रहेको छ । जहाँ ३० भन्दा धेरैको अपरेटिभहरुमा कर्मचारी नै कोभिडबाट संक्रमित हुदा बन्द गरिएका छन । सरकारले सबैको अपरेटिभमा कोरोना टेस्ट गरिरहेको छ भने विमान स्थल लगायत आशंकित क्षेत्रमा रेन्डम्ली टेस्ट गर्ने अभियान चलाएको छ ।
