हरि कृष्ण न्यौपाने – भक्तपुर घर भई करिब १८ महिना देखि कुवेतमा कार्यरत ३४ बर्षिया मुना प्रजापतिको फरवानिया अस्पतालमा उपचारको क्रममा मृत्यु भएको छ ।उनको आज अप्रिल ३०, बिहिबार, २०२० का दिन मृत्यु भएको हो ।
मृतक संगै एकै कम्पनिमा काम गर्ने प्रिती तामाङका अनुसार ‘मृतक मुना करिब तीन महिना देखि हात दुख्ने र जिउ सुन्निने रोगले ग्रसित थिईन । उनलाई २१ दिन अघि मात्र अस्पताल भर्ना गरिएको थियो ।’
नेपाली राजदूताबास कुवेतका द्वितीयत सचिब श्रीकृष्ण सिलवालले तितोपाटी डटकम संग भने “राहदानी नं ०५८२८८०४ भएकी मुना प्रजापतिको मृत्यु भएको जानकारी दूतावासलाई आएको छ। उनको मृत्युको पूर्ण बिबरण आउन बाँकी छ । दूताबासले कानुनी प्रक्रिया र कम्पनी तथा परिवारसंग समन्वय गर्ने काम शुरू गर्ने छ।”
प्राप्त जानकारी अनुसार कुवेत पल्स क्याटरिङ कम्पनीमा कार्यरत मृतक मुनाको एक छोरी र श्रीमान नेपालमा रहेका छन ।
