हरि कृष्ण न्यौपाने – कोरोना भाइरस(कोभिड-१९) बाट कुवेतमा अप्रिल-२८ तारिक मंगलबार सम्म ५१ नेपाली सहित ३,४४० जना संक्रमित भएका छन ।
कुवेतको स्वास्थ्य मन्त्रालयले दिएको जानकारिका आधारमा अरब टाइम्सले जनाए अनुसार पछिल्लो २४ घण्टामा १५२ जनामा कोरोना संक्रमण देखिएको हो, जसमा ६ नेपाली सहित ६४ जना भारतिय नागरिक रहेका छन। यसै गरि पछिल्लो २४ घण्टामा ६१ बर्षिय भारतीय नागरिकको मृत्यु भएको छ, भने कुवेतमा अहिले सम्म कोरोना संक्रमणबाट २३ जनाको मृत्यु भएको छ। यसै गरि पछिल्लो २४ घन्टामा १६४ जनाले स्वास्थ्य लाभ गरेका छन ।
केही दिन देखिको पछिल्लो प्रकाशित सरकारी डाटा हेर्दा अधिकांश संक्रमित आप्रवासीहरु रहेको देखिन्छ, भने त्यसमा पनि भारतियहरु अत्याधिक रहेका छन। त्यसैले अहिले आप्रवासी कामदारहरु रहेका बासस्थानहरुमा कुवेत सरकारले विशेष निगरानी राखी रहेको छ।
आज प्रकाशि समाचारमा जनाईए अनुसार जम्मा ३,४४० संक्रमित मध्ये ६४ जना गम्भीर अबस्थामा रहेको जनाइएको छ, भने अहिले सम्म १,१७६ जनाले स्वास्थ्य लाभ गरिसकेका छन।
