तितोपाटी- अर्घाखाँची जिल्लामा शनिबार साँझदेखि परेको अविरल बर्षा संगै भारी हिमपातका कारण जनजीवन प्रभावित भएको छ।
हिजो शुक्रवार देखी परेको हिमपातले जिल्लाका उच्च पाहाड खाँचिकोट मैदान, नरपानी, बागमारा, गौचोर, लगायत अन्य स्थानहरूमा भएपछी जनजीवन प्रभावित भएको हो।
वर्षा संगै भारी हिमपातले कृषकमा निराशा छाएको छ। यो वर्ष चैत्र महीनामा परेको हिमपातले हरियो तरकारीमा ठुलै असर पुग्ने बताउदै बारीमा रहेको हरियो साग सब्ज़ी हाल सम्म घर नभित्र्याएका कारण किसान चिन्तित बनेका छन् । त्यस्तै हिमपातले जिल्लाबासीहरूलाई आवतजावत गर्न समस्या बनाएको छ ।
हिमपात हुन थालेपछि स्थानीयवासीलाई घरबाहिर निस्कनसमेत समस्या भएको छ । चैत्र महीनामा हिमपात परेपछी स्थानीय अचम्मित परेका छन।
हिमपातका कारण धेरै स्थानमा जनजीवन प्रभावित भएको छ । कतै बाटो अवरुद्ध छ भने कतै गाउँ नै सम्पर्कबिहीन छ । तर हिमपातका दृश्य हेर्न लायक छन् । डाँडाकाँडा हिउँले ढाकेर सेताम्य भएका छन् । हिमपातसँगै अत्यधिक चिसो समेत बढेकोले अर्घाखाँचीको जनजीवन कष्टकर बनेको छ।
