तितोपाटी – प्यूठानको स्वर्गद्वारी नगरपालिका ४ मनखोला भिरमा बोलेरो दुर्घटना हुँदा ३ जनाको मृत्यु भएको छ । बिहीवार बिहान भिंग्रीबाट पानी बोकेर स्वर्गद्वारीतर्फ जान लागेको ग १ च ५२४९ नम्बरको बोलेरो दुर्घटना हुँदा एकको घट्नास्थलमै र अन्य दुई जनाको उपचारको क्रममा मृत्यु भएको हो ।
मृत्यु हुनेमा स्वर्गद्वारी नगरपालिका २ का ४० वर्षीय नजरी सुनार, सोहि ठाउँका २५ वर्षीया विना विक र उनका ७ वर्षीय छोरा आनन्द विक रहेको जिल्ला प्रहरी कार्यालय प्यूठानले जनाएको छ।
घाइते सवारी चालक माण्डवी गाउँपालिका ५ का अन्दाजी २३ वर्षीय बसन्त कुमालको मेडिकल कलेज भैरहवामा उपचार भइरहेको प्रहरीले बताएको छ । बोलेरो जिप तीन सय मिटर तल खोलामा खस्दा पूर्णरूपमा क्षति भएको छ ।
उता बिहिबार नै सल्यानमा जीप दुर्घटना हुँदा २ जनाको मृत्यु भएको छ भने ८ जना घाइते छन् ।
