तितोपाटी – अर्घाखाँची जिल्ला स्थित सन्धिखर्क नगरपालिकाको नरपानीमा कार दुर्घटना हुँदा ३ जनाको मृत्यु भएको छ । गोरुसिङ्गे-सन्धिखर्क सडकखण्डको नरपानीमा बुधबार करिब ९ बजेतिर बा १७ च ६९१७ नम्बरको कार दुर्घटना हुँदा ३ जनाको घटनास्थलमै मृत्यु भएको हो । दुर्घटनामा २ जना घाइते भएका छन्। कार रुपन्देहीको सैनामैनाबाट सन्धिखर्क आउँदै थियो ।
घटनामा २ जना पुरुष १ जना महिलाको मृत्यु भएको र उनीहरुको पहिचान हुन बाँकी छ । घाइतेलाई उपचारका लागि प्राथमिक स्वास्थ्य केन्द्र पठाइएको जिल्ला प्रहरी कार्यालय अर्घाखाँचीले जनाएको छ । प्रहरी र स्थानीयको सहयोगमा घाइतेहरुको उद्दार गरिएको हो।