तितोपाटी – याैन दुर्ब्यवहार मुद्दामा निवर्तमान सभामुख कृष्ण बहादुर महरालाइ थप अनुसन्धान गर्न पुर्पक्षको लागि थुनामा राखिने भएको छ । जिल्ला अदालत काठमाडौंले निवर्तमान सभामुख महरालाई बलात्कार प्रयाश अभियोगमा थप अनुसन्धान गर्न पुर्पक्षका लागि थुनामा पठाउन आदेश दिएपछि थुनामा राखेर अनुसन्धान गर्न लागिएको हो । सोमबार जिल्ला न्यायाधीश सुदर्शनराज पाण्डेको इजलासले महरालाई पुर्पक्षका लागि थुनामा पठाउन आदेश दिएको हो।
अब महरालाई थुनामा राखेर थप अनुसन्धान गरिनेछ। महराको मुद्दामा आइतबार र सोमबार गरी दुइदिन सम्म थुनछेक बहस भएको थियो। आदेशसँगै महरालाई मुद्दाको टुंगो नलागेसम्म डिल्ली बजार कारागारमा राखिने छ।
संसद सचिवालयकी एक महिला कर्मचारीमाथि बलात्कार प्रयास गरेको अभियोगमा प्रहरीले महराविरुद्ध शुक्रबार ५ देखि ७ वर्षसम्म सजाय माग गर्दै अदालतमा मुद्दा दर्ता गरेको थियो।