तितोपाटी -दार्चुलाबाट धनगढीतर्फ जाँदै गरेको ग १ ज ५२२४ नम्बरको बोलेरो जिप बैतडीको पाटन नगरपालिका ८ खोड्पे नजिकको भीरमा दुर्घटना हुँदा १ जनाको मृत्यु भएको छ भने २ जना गम्भीर घाइते भएका छन् । जीप बुधबार बिहान ५ बजेतिर दुर्घटनामा परेको हो दुर्घटनामा परि ज्यान गुमाउनेमा दार्चुलाको महाकाली नगरपालिका–९ दत्तुका ३५ वर्षीय ईश्वर नागरी रहेका छन् । उनीसँगै जीपमा सवार दत्तुका २३ वर्षीय पुस्कर नागरी र २२ वर्षीय हिक्मत समान्त घाइते भएका छन् ।
पुस्करको अवस्था गम्भीर रहेको र उनलाई थप उपचारका लागि धनगढी लगिएको प्रहरीले जनाएको छ । हिक्मतको डडेल्धुरा अस्पतालमै उपचार भइरहेको छ ।
बाक्लो कुहिरो तथा साँघुरो सडक दुर्घटनाको कारण हुनसक्ने प्रहरीको अनुमान छ। पानी र कुहिरोका कारण घाइतेको उद्वार गर्न एवं मृतकको शव झिक्न अप्ठ्यारो भएको थियो । जीप भीरूबाट झण्डै अढाइ सय मिटर तल खसेको प्रहरीले जनाएको छ ।
