Saturday 21st November 2026

इराकमा नेपालीले गरे नेपालीको हत्या, अर्थ अभावमा शब अझै इराकमै


तितोपाटी – इराकमा एक जना नेपाली कामदारले अर्को एक जना नेपाली कामदारकै हत्या गरेका छन् । इराकको स्वप्रशासित राज्य कुर्दीस्थानको अर्विलमा बर्दीयाका विशाल पौडेलले देवदह नगरपालिका–९, रुपन्देहीका ३७ वर्षीय मीनबहादुर सुनारलाई चक्कु प्रहार गरी हत्या गरेका हुन् ।  एउटै कोठामा मादक पदार्थ सेवन गरिरहेको अवस्थामा झगडा हुँदा पौडेलले सुनारको घाँटीमा चक्कु प्रहार गरेका थिए । प्रहरीले पौडेललाई पक्राउ गरेको छ ।

 नेपालमा घर बनाउँदै गर्दा ४ महिना अघि मात्रै कुर्दीस्थान पुगेका मीन बहादुरकी श्रीमतीले दोश्रो विवाह गरि सकेकी छन् भने मीनबहादुरको एक ६ वर्षीय छोरा रहेको बुझिएको छ।

हत्या एक महिना भन्दा अगाडि भएको भए पनि अर्थ अभावमा शबलाइ नेपाल पठाउन समस्या भएको बुझिएको छ । शब पठाउन झण्डै ३ हजार डलर लाग्ने भएपछि चन्दा संकलन गरेर शब नेपाल पठाउने प्रकृया अगाडि बढेको कुरा प्रवासी नेपाली समाज, इराकका अध्यक्ष कमल वाइवालाइ हवाला दिंदै कान्तिपुरले समाचार सम्प्रेषण गरेको छ ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...