तितोपाटी – यस वर्ष विश्वभर जताततै गर्मी बढेको छ । अन्य वर्षको तुलनामा यस वर्ष तापक्रम बढेको विशेषज्ञहरू बताउँछन् । नेपालमा पनि यस वर्ष गत वर्षहरूमा भन्दा बढी नै गर्मि बढेको छ । पहाडी भेगको तुलनामा तराइ भेगमा धेरै गर्मी छ । पुर्वी तराइको राैतहट तथा पश्चिमको नेपालगञ्जमा अहिले नै तापक्रम ४३ डिग्री पुगी सकेको छ भने टन्टलापुर घामसँगै तातो हावा चल्न थालेपछि तराईको जनजीवन कष्टपुर्ण हुन थालेको छ। अत्याधिक गर्मीले तराइबासीको जनजीवन प्रभावित बनेको हो।
जेठ महिनाको अन्तिम सातादेखि एक्कासी बढेको गर्मीका कारण सर्वसाधरणहरु बढि घाममा काम गर्नु, हिडडुल गर्नु, झोलपदार्थ जस्ता खानेकुरा नखानेलगायतका काम गर्न थालेपछि ‘हिट स्ट्रक’ हुने सम्भावना बढि देखिएको छ भने गर्मीका कारण झाडापखाला तथा ज्वरोका बिरामीहरु अस्पताल धाउने क्रम बढ्दो छ ।
तापक्रम ४३ डिग्रीसम्म पुगेपछि स्थानीयको जनजीवन नै अस्तव्यस्त भएको छ। बिहान सबेरैबाट शुरु हुने गर्मीले गर्दा खास गरी ज्याला मजदुरी र खेती किसानी गर्नेहरु मारमा परेका छन्। गर्मीका कारण लु लाग्ने र बाटोमा मानिस बेहोस हुने जस्ता समस्यासमेत उत्पन्न भएको छ।
अत्याधिक गर्मीले गर्दा सरकारी कार्यालयहरुमा सेवाग्राहीको संख्यामा कमी आएको छ। जिल्ला प्रशासन, मालपोत तथा अन्य सरकारी कार्यालयहरुमा समेत सेवाग्राहीको संख्या घटेको छ। अति आवश्यक काम बाहेकका बेलामा भने मानिसहरु घर बाहिर निस्कन छाडेका छन्। तापक्रम ४३ डिग्रीसम्म पुग्न थालेपछि अत्यावश्यक कामका लागी बाहेक अरु बेला स्थानीयहरु दिउँसो घर बाहिर निस्कन छाडेका छन्। चर्को गर्मीका कारण दिउँसो सरकारी कार्यालयहरुमा आउने सेवाग्राहीको संख्या पातलिएको छ।
